धनुषाको धनौजी गाँपामा हाकिम मिश्र गएपछि एक महिनादेखि लगाएको ताला खुल्यो

न्यूज ब्यूरो, जनकपुरधाम । धनुषाको धनौजी गाउँपालिकामा विगत एक महिनादेखि लगाइएको ताला सोमबारदेखि खुलेको छ ।

धनौजी गाउँपालिकाको प्रमुख प्रशासकीय अधिकृतमा कन्हैया मिश्र गएपछि स्थानीय जनप्रतिनीधिहरुसँगको समन्वयमा विगत एक महिनादेखि लगाईको ताला खोलाएका हुन् । विभिन्न समयमा केही महिनाकै अन्तरालमा प्रमुख प्रशासकीय अधिकृत फेरबदल गरेको भन्दै केही जनप्रतिनीधिहरुले त्यसको विरोध गर्दै ताला लगाएको थियो ।

गत असोज १ गतेदेखि नै लगाएको ताला पटक पटक बैठक बसेपनि सहमति नभएर खुल्न सकेको थिएनन् । हाल धनौजी गाउँपालिकाको प्रशासकिय अधिकृत कन्हैया कुमार मिश्र हाजिर भएका छन् ।

मिश्र यसअघि जिल्ला प्रशासन कार्यालय धनुषा, जलेश्वर कारागार, जिल्ला समन्वय समितीको कार्यालय धनुषालगायतको कार्यालयमा सफलतापूर्वक कार्यसम्पादन गरेका छन् । उनको कार्यकालमा धनौजी गाउँपालिकामा राम्रो कार्यसम्पादन हुने आम जनसमुदायको विश्वास छ ।

असोज २५ गते आईतबार बसेको बैठकबाट नगरपालिकाको मुख्यद्धारमा लगाइएको ताला खोल्ने निर्णय भए अनुसार ताला खोलिएको हो ।

पालिका गठन भएको ३ बर्षको अवधिमा ६ जनाको संख्यामा कार्यालयका प्रमुख प्रशासकिय अधिकृत पालिका अध्यक्षले नै फेरिएको आरोप लगाउँदै उपाध्यक्ष र वडाध्यक्षहरुले कार्यालयको मुख्यप्रवेशद्धारमै तालाबन्दी गरेका थिए ।