सिरहाः नुहाउन गएका युवक नहरमै बेपत्ता !

न्यूज ब्यूरो, सिरहा । सिरहामा एक युवक नहरमा नुहाउन गएका बेला बेपत्ता भएका छन् ।

सिरहाको कर्जन्हा नगरपालिका वडा नं. ५ स्थित रहेको कमला खोलाको नहरमा नुहाउने क्रममा आज (आईतबार) उनी डुबेका हुन । कर्जन्हा नगरपालिका वडा नं. ५ बस्ने अन्दाजी बर्ष ३५ को कसिया सदा पानीमै बेपत्ता भएको हो ।

आज दिउँसो करिब १२ बजे नै नहरमा नुहाइरहेको बेला अचानक डुबेर बेपत्ता भएको उनकी श्रीमतिले बताएकी हुन् । कसिया नुहाइरहेको बेला उनकी श्रीमति पनि नहरकै डिलमा बसेकी थिइन् । धेरै बेरपछि पानीबाट बाहिर नआएपछि उनले स्थानीयहरुले हल्ला गरी बोलाएको थियो ।

१२ बजेदेखि नै बेपत्ता भएपनि प्रहरी भने दिउँसो ४ बजे मात्र आईपुगेको हो । नजिकै रहेको बन्दीपुर प्रहरी चौकीबाट प्रहरीको टोली अहिले घटनास्थल आईपुगेको हो । सो अघि स्थानीय केही जनाले बेपत्ता कसियालाई पानीभित्र खोजेपनि भेटाउन नसकेपछि प्रहरी बोलाएको हो ।

प्रहरीको टोली आएर अहिले पानीमा कसियालाई खोज्न लगाउने तयारी गरेको हो ।