१ क्लीन्टल ३१ किलो गाँजा सहित एक जना पक्राउ

न्यूज ब्यूरो, वीरगँज । जिल्ला प्रहरी कार्यालय पर्सा बीरगँजले एक जनालाई भारी मात्रामा लागू औषध सहित पक्राउ गरेको छ ।

पर्सा जिल्लाको पटेर्वासुगौली गाउँपालिका वडा नं. ५ देउरिया टोल वस्ने दुखि ओझैयाको छोरा वर्ष ४० को राज ओझैयालाई १ क्वीन्ट ३१ किलो गाँजा सहित पक्राउ गरेको हो । उनले आफ्नो घरमा गाँजा लुकाइ–छिपाई राखेको गोप्य सुचनाका आधारमा पक्राउ गरिएको हो ।

जिल्ला प्रहरी कार्यालय पर्साका अनुसार, प्रहरी टोलि खटि गई चेकजाँच गर्दा राज ओझैयाले आफ्नो घरमा लुकाई छिपाई राखेको अवस्थामा लागु औषध गाँजा १ सय ३१ किलो फेला परेको हो । उनलाई नियन्त्रणमा लिएर थप अनुसन्धान प्रक्रिया अगाडी बढाएको हो ।