समाजले साथ दिए अपराध न्यूनिकरण र सुरक्षा चुस्त हुन्छ : ईन्सपेक्टर भण्डारी

न्यूज ब्यूरो, जनकपुरधाम । ईलाका प्रहरी कार्यालय यदुकूहाका प्रहरी नीरिक्षक (ईन्सपेक्टर) सँवित भण्डारीले समाजले साथ दिए अपराध न्यूनिकरणमा कतै पनि नचुक्ने प्रतिवद्धता जनाएका छन् ।

जनताको शान्ति सुरक्षा र समाजमा भैइरहेको अपराधीक गतिविभि नियन्त्रणको निमित्त हाम्रो प्रहरी टोली २४ औं घण्टा खटन् तयार रहेको बताउँदै ईन्सपेक्टर भण्डारीले ईलाकाको सुरक्षा चुस्त बनाउन समाजको साथ अपरिहार्य रहेको बताए ।

मँगलबार ईलाका प्रहरी कार्यलय यदुकूहाको परिसरमा विभिन्न दलका नेता कार्यकर्ता, व्यापारी लगायतका व्यक्तिहरुसँगको भेटघाट तथा परिचयात्मक कार्यक्रममा ईन्सपेक्टर भण्डारीले सुरक्षाको चुस्तता,शान्ति सुरक्षाको राम्रो अवस्था सिर्जना गर्न,अपराध अनुसन्धान तथा समाजमा हुने अवान्छित गतिविधी नियन्त्रण साथै त्यस्ता समाजिक विकृति विसंगति विरुद्ध लडन् समाजको सहयोग आवश्यक रहेको थपे ।

समाजमा भैरहेको अपराधीक क्रियाकलाप नियन्त्रण र अपराध अनुसन्धानको लागि समुदायको भुमिका अहम् रहेको बताउदै उनले भने– “हाम्रो प्रहरी आम नागरिकको सहयोग बिना प्रहरी चल्न सकिदैन । त्यसैले सबैले आ–आफ्नो ठाउँबाट सहयोग गर्नुस् प्रहरीले गर्नुपर्ने काममा कहिले चुक्किदैन ढुक्क हुनुस कतिपय व्यक्ति अपराध गरेर समाजमै लुकिछिपी बसेको हुन्छ , त्यस्ता व्यक्तिको बारेमा सूचना दिनुस् हामी कानुनी बमोजिम कारबाही गर्छौं ” ।

कार्यक्रममा एक जनाले लागु औषधमा विषयमा उठाइएको जिज्ञासा निरुपण पार्दै इन्स्पेक्टर भण्डारीले आजको युवा भोलिको भविष्य रहेको भन्दै उनीहरू कुलतमा फस्नु भनेको समाजकै भविष्यकै लागि प्रतिकुल हुने भएकोले गम्भिर हुन आग्रह गरे ।

“लागुऔषध गर्ने ,अपराध गर्ने,समाजमा अशान्ति मच्चाउने र शान्तिसुरक्षामा खलल पार्नेहरु पनि हाम्रो बीचका हुन तर त्यस्ता ब्यक्तिलाई प्रहरीले पक्राउ गरेपछि हामीहरुनै छाड्नका लागि प्रहरीमा सिफारिस गर्छौ समाजमा शान्तिसुरक्षा अमनचय चाहन्छौं ।” – उनले भने ।

ईन्सपेक्टर भण्डारीले समाजमा कुनै प्रकारको अपराधिक क्रियाकलापमा सँलग्न व्यक्तिको लागि प्रहरीमा सिफारिस नगर्ने प्रतिवद्धता जनाउन शहिदनगर नगरपालिका वडा नं. ५ का वडाध्यक्ष राम रतन पासवानले सबै जनप्रतिनीधिहरुसँग समेत आग्रह गरे ।