रेल्वेको लागि सहायक स्टेशन मास्टरमा सबभन्दा बढी आवेदन, अन्तरवार्ता कहिले हुने ?

न्यूज ब्यूरो, जनकपुरधाम । नेपाल रेल्वे कम्पनीले माग गरेको विभिन्न २९ वटा पदको लागि दिएको आवेदनमा सबभन्दा बढी सहायक स्टेशन मास्टरको लागि आवेदन भरिको छ ।

नेपाल रेल्वेको लागि गत असोज १२ गतेसम्म माग गरिएको आवेदनमा कुल ३२ हजार ६ सय ८६ जना आवेदन दिएकोमा ८ हजार ६ सय ७४ जना सहायक स्टेशन मास्टरमा फाराम भरेका छन् ।

यो अहिलेसम्म भरिएको फारमको आँकडा हो भने डकुमेन्ट भ्यालिडिटी रुजु गरे पश्चात आवश्यक डकुमेन्ट पेश नगर्नेहरुको सँख्या हटाउने भएको छ । कम्पनीले माग गरेको आवश्यक कागजातहरु नपुगेको खण्डमा उनीहरुको आवेदन हटाउने नेपाल रेल्वे कम्पनीका महाप्रबन्धक गुरु भट्टराईले बताए ।

उनले कागजात पेश नगर्नेहरुको सँख्या हटाउदा केही मात्रामा सँख्या तलमाथि हुन सक्ने बताए। सहायक स्टेशन मास्टरपछि टिकट विक्रेता सहायकमा दोस्रो सबभन्दा बढी फाराम भरिएको हो । त्यसमा ६ हजार ४३ जना भरेको बताइएको छ ।

महाप्रबन्धक भट्टराईका अनुसार, अन्तिम सँख्यामध्ये मेरिट लिस्टमा आएका आवेदक उम्मेदवारहरुलाई अन्तर्वातामा बोलाइने छ। प्रशासनीक काम सकिएपछि अन्तरवार्ताको लागि सुचना जारी हुने जनाउँदै नयाँ डेभलप्मेन्ट हुने बित्तिकै पारदर्शि रुपमा जानकारी गराउने बताए ।