कमला नदी बचाउन एक घर एक अभियानी हुनुपर्छ : सिडिओ कणेल

न्यूज ब्यूरो, सिरहा । सिरहाका प्रमुख जिल्ला अधिकारी प्रदीपराज कणेलले पानीको बुँद बुँद अपरिहार्य रहेको बताउँदै पानी जोगाउन घर घरबाट एक अभियानी हुनुपर्ने जिकिर गरेका छन् ।

आईतबार अन्तरास्ट्रिय नदी दिवसको अवसरमा कमला बचाउ अभियानले सिरहा नगरपालिका वडा नं. १२ कोे सारश्वर घाटमा आयोजना गरेको पर्यावरणमैत्री कार्यक्रममा सिडिओ कणेलले पानी र पर्यावरण जोगाउनको लागि एक घर एक अभियानी हुनुपर्ने जिकिर गरेका हुन् ।

समाजिक कार्यमा सधैं अग्रसर रहँदै आएका सिडिओ कणेलले कमला नदी नियन्त्रणलाई उच्च प्राथमिकतामा राख्न आवश्यक रहेको समेत बताए । उनले नदी नियन्त्रणलाई उच्च प्राथमिकतामा राख्न आवस्यक रहेको थपे ।

प्रत्येक व्यक्तिले आ–आफनो वुवा,वाजेको अन्य आफन्तको नाममा पाँच–पाँच वटा बृक्ष रोप्नु आवश्यकता समेत औल्याए । नदी नियन्त्रण गर्नका लागि ठुला ठुला अभर लोड गाडीलाई पनि नियन्त्रण गर्नुपर्ने उनको कथन थियो ।

उनले भने,–“एउटा गुरुयोजना बनाएर नदीलाई नियन्त्रण गर्न सकिन्छ । यसको लागि एक घर एक अभियानी भएर कार्यको थालनी पनि आवश्यक छ । यस्तोमा कमला बचाउ अभियान एक मूल मन्त्रको रुपमा स्थापित भएको छ । यसलाई निरन्तरता सबैले मिलेर दिनुपर्छ ।”

सोही क्रममा आयोजक कमला बचाउ अभियानका संयोजक बिक्रम यादवले कमला नदी बचे मात्र यहाँको अस्तित्व बच्ने बताए । नेपालमा ६ हजार भन्दा बढी नदी रहेको त्यस मध्ये कमला नदी पनि एक रहेको उनले थपे ।

उनले भने– “कमला बदीमा भैरहेको उत्खननलाई अभिलन्ब रोक्नुपर्छ । कमला नदी हामी सबैको माता (मा)को रुपमा चिनिएको छ । धार्मिक र साँस्कृति सम्बन्ध पनि कमला नदीसँग अभिन्न छ ।”

यस्तै, पर्यावरण क्षेत्रमा निरन्तर काम गर्दै आएका समाजिक सँस्था सामुदायिक विकास तथा पैरवी मञ्चका संयोजक नागदेव यादवले कमला नदीलाई संरक्षणका लागी स्थानीय तह,स्थानीय समाज र आम समुदाय सबै जना मिलेर कमला नदीको नियन्त्रणमा जोड दिए ।

स्थानीय सरकार प्रदेश सरकार संग समन्वय गरेर सिरहा र धनुषा कमला सिचाइ संग सम्बन्धि विभिन्न कार्यक्रम ल्याएर काम गर्नुपर्ने बताउँदै यादवले कमला बचाउ अभियानको लागि सँयोजक विक्रम यादवले चालेको कदमको सराहना समेत गरे ।

कमला बचाउ अभियान जनकपुरको आयोजनामा “पानी रे पानी” को तहत नदी चेतना यात्राको सो कार्यक्रमको दौरान सिरहाका प्रमुख जिल्ला अधिकारी एवम कार्यक्रममा प्रमुख अतिथि प्रदीपराज कणेललाई सम्मान समेत गरिएको हो । कमला बचाउ अभियानका सँयोजक विक्रम यादवले उनलाई सम्मान गरेको हो ।

सोही क्रममा कमला नदी आयोजनाका डिविजन प्रमुख ईन्जिनीयर यज्ञराज भट्टराईलाई समेत अभियानले सम्मान गरेको हो । दुवै जनालाई पर्यावरण बचाउको लागि निरन्तर दिने समयलाई मध्यनजर गर्दै दोसल्ला सहित सम्मान पत्र प्रदान गरिएको सँयोजक यादवले बताए ।

नदी चेतना यात्रा गंगा दशहरा १ जूनबाट सुरु भई आईतबार आई अन्तरास्ट्रिय नदी दिवको अवसरमा नेपाल भारतको सिमासम्म सिरहामा विधिवत सम्पन्न भएको सँयोजक यादवले जानकारी दिए ।

सो कार्यक्रमको लागि जल विरादरी, नेपाल रेडक्रस सोसाईटि सिरहा, पैरवी मँच लगायतका समाजिक सँस्थाहरुले सँयोजन गरेको थियो ।

कार्यक्रममा नेपाल रेडक्रस सोसाइटी सिरहाका सभापति राजदेव यादव, सिरहा नगरपालिकाका कार्यकारी अधिकृत बलिराम यादव , निवर्तमान अध्यक्ष जिबक्ष गुप्ता लगायतले कमला नदीको सँरक्षणको आवश्यकता एवम धार्मिक तथा साँस्कृति महत्व सहित आगामी दिनमा दिने लाभको बारेमा चर्चा गरेका थिए ।

सो कार्यक्रममा कमला अभियानी राम बाबू यादव , बिरेन्द्र यादव ,राजकिशोर सल्हैता,सुरेस चोरवार ,श्याम कुमार महतो, शम्भु यादव ,प्रभात महतो, बिमलेस यादव, गुडु यादव, कमला अभियानी एवम् सँचारकर्मी नरेशचन्द्र बरबरिया यादव ,लगायत सयौं कमला अभियानी समाजसेवी बुद्धिजीवीहरुको सहभागी रहेको थियो।