जनकपुरमा डोम परिवारको घरमाथि डोजर चल्यो

न्यूज ब्यूरो, जनकपुरधाम । जनकपुरमा डोम परिवारको घरमाथि डोजर चलेको छ ।

सडक विस्तारको क्रममा जनकपुरधाम उपमहानगरपालिकाले डोम परिवारको घरमामथि डोजर चलाएको हो । घरमाथि डोजर चलेपछि झण्डै एकदर्जन डुम परिवार विस्थपित भएका छन् ।

जनकपुरधाम उपमहानगरका १ स्थित धर्मवान टोलमा घरमाथि डोजर चल्दा झण्डै एकदर्जन डोम समुदायको उठिबास भएको छ । सडक छेउको ऐलानी जग्गामा बस्दै आएका डोम समुदायलाई बस्ने ठाउँको व्यवस्थापन नै नगरी उपमहानगरले डोजर चलाएर घरबिहीन भएपछि उनीहरु बिचल्लीमा परेका छन् ।

आफूहरुलाई जग्गाको व्यवस्थापन नै नगरी घर भत्काएर उपमहानगरले अन्याय गरेको स्थानीयहरुको दुखेसो छ । उनीहरुले घरमाथि डोजर चलेपछि घरविहीन बनेको भन्दै अब सडक छेउमै पाल टाँगेर बस्ने बताएका छन् ।