पिकअप र मोटरसाईकल जुध्यो, २ जनाको मृत्यू !

न्यूज ब्यूरो, बर्दिवास । प्रदेश नं. २ को महोतरीको बर्दिवासमा सवारी दुर्घटना हुँदा दुई जनाको मृत्यू भएको छ । महोत्तरीको व्यापारिक बजार मानिएको बर्दिवासमै दुर्घटना भएको हो ।

बर्दिबास नगरपालिका वडा नं. ६ किसानगर स्थित पिकअप भ्यान र मोटरसाइकल एक आपसमा ठोक्किँदा दुई जनाको मृत्यु भएको जिल्ला प्रहरी कार्यालय महोत्तरीले जनाएको छ ।

प्रहरीले दिएको जानकारी अनुसार, मोटरसाइकमा ३ जना सवार थिए । सो मध्ये चालक र सोही मोटरसाईकलको पछाडी बसेका व्यक्तिको मृत्यु भएको हो ।

दुर्घटनमा परेर गम्भीर घाइते भएकालाई धनुषास्थित लालगढ मोडेल अस्पतालमा उपचारका लागि लगिएको थियो । त्यहाँ उपचार सम्भव नभएपछि थप उपचारका लग्ने क्रममा एक जनाको धरानमा र अर्काको काठमान्डौं लैजाँदै गर्दा बाटोमै मृत्यु भएको इलाका प्रहरी कार्यालय बर्दिबासका डिएपसी राजन चापागाईले जानकारी दिए ।

सो घटनामा चालक रहेका प्रमोद तथा पछाडी बस्ने देवबहादुर रहेको बुझिएको छ । उनीहरुको ठेगाना भने अझै खुल्न नसकेको प्रहरीले जनाएको छ ।