आजदेखि सबै गाडी, बस सँचालनमा

न्यूज ब्यूरो, जनकपुरधाम । कोरोना भाइरसको महामारी भन्दै ठप्प भएको छोटो तथा लामो दुरीका यातायातका साधनहरु आजदेखि सँचालनमा आएको छ ।

झण्डै ट महिनादेखि थन्किएका मध्यम र लामो रुटका बस सञ्चालनमा आएको हो । जनकपुर सहित विभिन्न ठाउँको लागि आज विश्वकर्मा पूजादिनदेखि नै सँचालनमा आएको हो । सरकारको निर्णय बमोजिम असोज १ गतेदेखि सबै यातायातका साधनहरु सँचालनमा आएको हो ।

यातायात व्यवसायी र चालक महासङ्घ सम्मिलित संयुक्त कार्यदलले बिहिबारबाट बस सञ्चालनका अनुरोध गरे बमोजिम सबै चालक, सहचालक र यात्रुलाई सवारीसाधनमा आवश्यक स्वास्थ्य सुरक्षा अपनाउन अनुरोध गरेको छ । चालक, सहचालकले मास्क, पञ्जा, सेनेटाइजर र सहचालकले फेस भाइजरको प्रयोग अनिवार्य रुपमा गर्न भनिएको छ । यात्रुले यात्रा अवधिभर मास्क लगाउन र सवारीसाधनमा चढ्दा, ओर्लदा र खाजा खाँदा भीड नगर्न भनिएको छ ।

सोमबार बसेको मन्त्रीपरिषद्को बैठकले असोज १ देखि लामो रुटको बस सञ्चालनको निर्णय गरेको थियो । यी सवारीसाधनले सिट क्षमताको आधा यात्रु राखेर साविक भाडादरमा ५० प्रतिशत बढी भाडा लिएर यात्रा गराउनुपर्नेछ ।

आज मेसिनहरुको देवता विश्वकर्मा पूजा परेकोले सार्वजनिक रुपमा आजैदेखि सँचालन गर्ने भनिएको अधिकांश सवारीहरुको पूजाआज गर्ने परम्परा अनुसार थोरै सवारी साधन सँचालनमा आएको छ । भोली शुक्रबारदेखि विधिवत रुपमा निर्वाध रुपमा सवारी साधन चल्नेछ ।