धनुषाको एक विद्यालयमा तोडफोड

न्यूज ब्यूरो, जनकपुरधाम । धनुषाको एक नव निर्मित विद्यालयमा आज (बुधबार) बेलुकी तोडफोड गरेको छ ।

धनुषाको धनुषाधाम नगरपालिका वडा नं. ५ नौयसबिघा टोल स्थित निर्माण गरिएको राष्ट्रिय प्राथमिक विद्यालय नौसयविघामा स्थानीय दुई जनाले तोडफोड गरेको हो ।

रक्सी खाएर मातेका स्थानीय दिलिप यादव र बीरेन्द्र यादवले बेलुकी करिब ९ बजेको समयमा गाउँमै रहेको विद्यालयको झयाल तोडफोड गरेको धनुषाधाम नगरपालिका वडा नं. ५ का वडाध्यक्ष ईन्द्र कुमार महतोले जानकारी दिए ।

वडाध्यक्ष महतोले उनीहरुलाई गाउँलेले देखेपछि लखेटेको बताउँदै दुवै जना उपर कानुनी कारवाहीको प्रक्रिया अगाडी बढाइने बताए । उनीहरु उपर सार्वजनिक सम्पति तोडफोडको मुद्दा लगाउन स्थानीय प्रशासनसँग माग गरिने बताए ।

यता, स्थानीय बजरँग युवा क्लबका अध्यक्ष राम पुकार यादवले विद्यालय जस्तो सँवेदनशिल र शान्ती क्षेत्रको सम्पति तोडफोड गर्ने उपर कानुनी कारवाहीको लागि क्लबका पदाधिकारीहरुले कुनै कसर नछोडने बताए । उनले स्थानीय प्रशासनसँग कानुनी कारवाहीको माग समेत गरे ।

ईलाका प्रहरी कार्यालय धनुषाधामका अनुसार, विद्यालयको सम्पति तोडफोडको जानकारी आएको र यसबारे थप बुझेर मात्र भन्न सकिने बताए ।