धनुषामा एक प्रहरी हबल्दार महिलासँग पक्राउ

न्यूज ब्यूरो, जनकपुरधाम । धनुषामा एक प्रहरी हबल्दार गएराती पक्राउ परेका छन् । धनुषाको शहिदनगर नगरपालिका वडा नं. ४ स्थित रहेको ईलाका प्रहरी कार्यालय यदुकूहाका हबल्दार पक्राउ परेका हुन् ।

गएराती हबल्दार एक महिलासँग आपत्तिजनक अवस्थामा पक्राउ परेको स्थानीयहरुले जनाएका छन् । शहिदनगर नगरपालिका वडा नं. ३ यदुकूहा बजार स्थित एक महिलासँग आपत्तिजनक अवस्थामा पक्राउ परेको स्थानीयहरुले बताएका छन् ।

जानकारी अनुसार, ती हबल्दारलाई राती नै स्थानीयहरुले कुटपिट गरी प्रहरीलाई नै जिम्मा लगाएको बताइएको छ । उनलाई ईलाका प्रहरी कार्यालय यदुकूहामा जिम्मा लगाइएको हो ।

यता इलाका प्रहरी कार्यालयका प्रहरी निरीक्षक दीपकबाबु केसीले हबल्दार ती महिलाको घरमा जाँदा महिलाले चोर चोर भन्दै हल्ला गरेपछि स्थानीयले पक्राउ गरी जिम्मा लगाएका बताएका छन् ।

राती रक्सी खाएर डयूटिमा गएका हबल्दारले महिलाको घरमा पुग्ने बित्तिकै हल्ला गरेपछि स्थानीयहरुले समातेको बताइएको छ । महिलासँग आपत्तिजनक अवस्थामा पक्राउ परेको नपरेको बारे अनुन्धान भइरहेको बताइएको छ ।

उनले भने,–“डयूटिमा रहेका हबल्दार रस्की खानु नै कानुन विपरित र उनको कसुर हो । उनलाई हिरासतमा लिएर कारवाही प्रक्रिया अगाडी बढाइएको छ ।”