असहाय परिवारलाई अप्पन मिथिला सेवा समाजको सहयोग

न्यूज ब्यूरो, सिरहा । समाजिक संस्था अपन मिथिला सेवा समाजले सिरहामा एक परिवारलाई आर्थिक सहयोग गरेको छ ।

सिरहाको सुखिपुर नगरपालिका–१ मोहनपुरका एक असहाय परिवारलाई संस्थाले आर्थिक रकम सहयोग गरेको हो । मोहनपुरकी मलभोगिया देवि यादवलाई संस्थाले २५ हजार एकसय रुपैयाँ सहयोग गरेको छ ।
उनको श्रीमान सरोज यादवको गतवर्ष नै ब्लड क्यान्सरका कारण मृत्यु भइसकेको छ । उनीहरुको ३ जना बालबच्चा छन् ।

सरोजको मृत्युपछि उनको परिवारलाई दैनिक छाक टार्नसमेत कठिनाइ भएको जानकारी पाएपछि घरमै पुगेर आर्थिक सहयोग गरेको संस्थाका अध्यक्ष मंसाराम यादवले बताए । मलभोगियाले सहयोगी संस्थाप्रति आभार प्रकट गरिन् ।

मलभोगिया दैनिक ज्यालादारी गरेर परिवार चलाउँछिन् । तर, अहिलेको बन्दाबन्दीको समयमा काम गर्न नपाएपछि हातमुख जोर्न सकस भएको छ ।