दलित बालिका बलात्कार प्रकरणः आरोपित बचाउन प्रहरी र नेताहरुको चलखेल

न्यूज ब्यूरो, जनकपुरधाम । गत भदौ १५ गते धनुषा जिल्लाको गणेशमान चारनाथ नगरपालिकामा एक १५ वर्षीय दलित बालिकाको बलात्कारको मुद्दामा स्थानीय विभिन्न राजनैतिक दलको नेताहरु आरोपित बचाउन चलखेल गरेको आरोप लगाइएको छ ।

स्थानीय नेता तथा प्रहरीले समेत पीडित बालिका तथा उनको आमालाइ जबरदस्ती धम्क्याएर बयान दिन लगाउने आरोप पिडितको आमाले लगाएकी हुन् ।

उक्त बलात्कारको आरोपमा प्रहरीले ४ जना गिरफ्तार गरेपनि गिरफ्तार गर्ने र छाड्ने गरिरहेको छ । उक्त घटनामा चार जना गिरफ्तार गरेपनि अहिले तीनजना आरोपी ईलाका प्रहरि कार्यालय ढल्केवर धनुषामा छ, तर हाल सम्म पनि अनुसंधान गर्दै छाड्दै गरेको छ ।

उत्पिडितले दिन खोजेको किटानि जाहेरि पनि दर्ता गर्न आनाकानी गर्दै आइरहेको छ । प्रहरीले अपहरण शैलीमा पिडितलाइ बयानको लागि भनेर प्रहरी कार्यालयमा लाने र जाहेरी तथा बयान बदल्न दबाब दिइरहेको आरोप छ ।

बलात्कार पिडित बालिकालाई चारनाथ नदि किनारा बाख्रा चराउंदै गर्दा सोहि ठाउं बस्ने राज कुमार मंडलको छोरा लक्ष्मेश्वर मंडलले के गरेको तिमि एक्लै हो ? आदि इत्यादि भनेर सोधखोज गरे पछि दई जना मास्क लागाएको युवाहरुले बलात्कार गरेको आरोप लगाईएको थियो ।

हाल लक्ष्मेश्वर कुमार मंडल, संतोष कुमार यादव र शिवशंकर कुमार साह हिरासतमा छ। यी अपराधी बलात्कारी हरुलाइ बचाउन स्थानीय नेता तथा प्रहरी समेत लागेको देखिन्छ।

पिडित बालिकाको जनकपुर अंचल अस्पतालमा स्वास्थ्य परिक्षण गरिएको इलाका प्रहरी कार्यालय ढल्केवरका प्रहरी निरिक्षक तिर्थकुमार कार्कीले बताए ।

उक्त बलात्कारको आरोपमा इलाका प्रहरी कार्यालय ढल्केवरले अनुसन्धानको क्रममा चार जनालाई पक्राउ गरेका हुन । तर एक जनालाई सोधपुछ गरि रिहा गरिसकेको छ ।

सो घटनामा राजनीतिक दबाबका कारण पीडित पक्षले नै हालसम्म किटानी जाहेरी भने रदिएको छैनन् ।