'नेपाल-भारतको सम्बन्ध अझ उचाईमा पुर्याउँछौं'

न्यूज ब्यूरो, धनुषा । नेपाल भारत वर्ल्ड डेभलोपमेन्ट फोरम धनुषाको भेला सोमबार सम्पन्न भएको छ ।

उक्त भेलामा नेपाल भारत वर्ल्ड डेभलोपमेन्ट फोरम धनुषाको अध्यक्ष रवि नायकले नयाँ र दिगो रणनीतिको साथ अगाडी बढ्नुपर्नेमा जोड दिएका छन् ।

धनुषा जिल्ला र जनकपुर उपमहानगरपालिका नेपाल भारत वर्ल्ड डेभलोपमेन्ट फोरमको पदाधिकारीहरुको बार्तालाप सम्मेलनमा अध्यक्ष नायकले समितिलाई जिल्लाको हरेक नगरपालिका, गाउँपालिकासंगै हरेक वडावडामा विस्तार गर्नुपर्ने बताए ।

दुई देशको समबन्ध अझै सौहार्दपूर्ण र मजबुत होस् तथा दुवै देशको प्रगति निमित गठित भएका सङ्गठनले नयाँ र दिगो रणनीतिको साथ अगाडी बढ्ने उनले बताए ।

तत्काल धनुषा जिल्लाको बिकास निमित धनुषा जिल्लामा सरसफाई र धार्मिकस्थल सौन्दर्यकरण निमित पहल गरिने बताए ।

यस्तै, धनुषा जिल्लाका कुनै पनि नागरिक भारत देशमा केहि समस्यामा परेमा सम्बन्धित निकाय संग समन्वय गरेर सहयोग गर्ने लगायतका विषयमा उक्त भेलामा छलफल भएको थियो ।