समाचार प्रभाव : तरुण दल सिरहाद्धारा साह परिवारलाई खाद्यान्न सहयोग, स्थानीयद्धारा प्रशँसा

न्यूज ब्यूरो, सिरहा । लकडाउनका कारण छोराको काम गुमेपछि साग मात्र खाएर बाँचेका बिहारी साह परिवारलाई तरुण दल सिरहाले खाद्यान्न समाग्री सहयोग गरेको छ ।

न्यूज ब्यूरोमा समाचार प्रकाशित भएपछि नेपाली काँग्रेस निकट तरुण दलका युवा नेताहरुले साह परिवारलाई खाद्यान्न समाग्री सहयोग गरेको छ ।

सिरहाको कर्जन्हा नगरपालिका वडा नं. १० प्रयागपुर बस्ने बिहारी साह (माचिबाला) को अवस्था दयनीय रहेको भन्दै उनीहरुले शनिबार घरमै पुगेर सहयोग गरेका हुन् ।

तरुण दल सिरहाका अति सक्रिय सदस्य एवम् समाजसेवमा तल्लिन मानिएका युवा नेता समेत रहेका अरबिन्द कुमार मण्डलको विशेष सक्रियतामा साह परिवारलाई चामल– २ क्वीन्टल, दाल– ७ किलो
, आलु – १५ किलो, प्याज ५ किलो , तेला ५ लिटर, नुन १० किलो , साबुन १ दर्जन र मसालाहरु सहितको समाग्री सहयोग गरेको छ ।

विगतदेखि नै समाजिक कार्यमा सक्रिय रहेका युवा नेता मण्डलले न्यूज ब्यूरोमा साह परिवार उम्लेको साग खाएर जीवन काटिरहेको समाचार देखेपछि उनका समूहले सहयोगको भावना बनाएको बताएका छन् ।

उनले भने, –“अनलाईनमा उहाँको बारेमा समाचार पढे, उहाँको अवस्था बारे जानकारी पाए र हामी तरुण दलका युवा नेताहरुको सहल्लाहमा यस्ता परिवारलाई सहयोगको खाँचो औल्याउँदै खाद्यान्न लिएर उनको घरमै पुग्यौं ।”

खाद्यान्न लिएर पुगेपछि त्यहाँ स्थानीयहरुले तरुण दलका युवा नेताहरुलाई प्रशँसा र आशिर्वाद दिएका थिए । बुढापाखाहरुले साह परिवारलाई कसैले नहेरेको अवस्थामा तरुण दलका युवाहरुले सहयोग गरेपछि उनको लागि भगवान बनेर आएको पनि प्रतिक्रिया दिएका थिए ।

निरन्तर समाजिक कार्यमा लागि परेका तरुण दलका सदस्य अरबिन्द कुमार मण्डलले आगामी दिनमा समेत सहयोगको प्रतिवद्धता जाहेर गरे । न्यूज ब्यूरोकर्मी (सिरहा सँवाददाता) सबिन कुमार यादवको विशेष पहलमा साह परिवारलाई खाद्यान्न सहयोग गरिएको हो ।

प्रदान गरिएको खाद्यान्नबाट साह परिवार लामो समयसम्म कुनै खाँचो नहुने विश्वास व्यक्त गरेका थिए । सो क्रममा खाद्यान्न लिँदै साह परिवारले सहयोगकर्ता तरुण दल सिरहाका पदाधिकारी, सदस्यहरुलाई आभार प्रकट गर्दै खुसीले गदगद भएको देखिए ।

त्यहाँ जम्मा भएका एक बृद्धले भने, –“आजसम्म कोही पनि नेताहरु सहयोग गर्न आएनन्, सबै जना भोट नै माग्न आए, यसरी सहयोग गर्न तरुण दलका नेताहरु मात्रै आएको देखिए । प्रथम पटक कुनै गरिबलाई घरमै आएर सहयोग गरेको देखेर खुसी लागेको छ । तपाईहरुको कल्याण होस् । तपाईहरु धेरै राम्रो काम गर्नुभयो ।”

तरुण दल सिरहा गोलबजारका नगरसभापति नीरज सिँह, नरहा गाउँपालिका तरुण दलका अध्यक्ष महेश्वर यादव , वडा सभापति जितेन्द्र कुमार यादव सहित बिजय कुमार मण्डल, फिरण ठाकुर , सुरेश साह, बिनोद कुमार यादव , रन्जिप सिंह, खुशिलाल ठाकुर, राजा महतो , श्रवण मण्डल , दिपा महरा लगायत समस्त तरुण दलका कार्यकर्ताहरुले सहयोग गरेका थिए ।

सहयोगी हात र तरुण दलका सहयोगकर्ताहरुलाई न्यूज ब्यूरो टिम सहित त्रिनेत्र न्यूज नेटवर्क परिवार आभार प्रकट गर्दै धन्यवाद ज्ञापन गर्दछ ।