जनकपुरः वडाध्यक्ष साहद्धारा स्वास्थ्य शिविर अभियान

न्यूज ब्यूरो, जनकपुरधाम । कोरोना कहरको कारण अस्तपाल भौतारिँदै जीवन त्याग्नु परेको अवस्था र वडावासीको आग्रह अनुसार जनकपुरधाम उपमहानगरपालिका वडा नम्बर ७ निःशुल्क स्वास्थ्य शिविर अभियान सुरु गरेका छन् ।

सप्ताहको ३ दिन सुक्रवार बालबालिका, शनिवार जेनरल फिजिसियन (मेडिसिन) र आईतवार महिलाहरुको लागि विशेसज्ञ गाइनो डाक्टर राखेर उपचार र परामर्श उपलब्ध गराईने कार्यक्रमका संयोजक वार्ड ७ का अध्यक्षसमेत रहेका जानकी राम साहले बताएका छन् ।

उक्त निःशुल्क स्वास्थ्य शिविर अभियानमा प्रमुख डॉक्टर टीममा डा. ज्याउल हक (गाइनो), डा. श्रीराम शर्मा (जेनरल फिजिशियन÷मेडीसिन), डा. जाफर राईन (बाल रोग विशेषज्ञ) र सहयोगी संस्थाहरुमा (फर्मा सम्भाव्य समाज) , स्वस्तिका हेल्थ केयर हस्पिटल प्रा. लि. र बाल अस्पताल रहेका छन् ।

जारी स्वास्थ्य शिविरको नगर प्रमुख लाल किशोर साह र उपप्रमुख रिता झाले अवलोकन गरेका छन् ।