प्रहरीको टर्चरले दलित युवकको मृत्यू भएपछि दलित समुदाय प्रहरीलाई घेरे

न्यूज ब्यूरो, रौतहट । प्रहरीको चरम यातनाका कारण एक दलित युवकको मृत्यू भएको भन्दै दलित समुदायहरुले प्रहरी कार्यालय घेराउ गरेका छन् ।

निरन्जन राम (चमार) हत्या प्रकरणमा पक्राउ गरिएका विजय राम (चमार) लाई प्रहरीले नै यातना दिएर अस्वस्थ्य पारेपछि अस्पतालमै उपचारको क्रममा मृत्यू भएको भन्दै दलित समुदाय आन्दोलनमा उत्रेका छन् ।

उनीहरु रामको मृत्यूको केही बेरपछि खवर पाएलगत्तै रौतहटको गौर स्थित रहेको ईलाका प्रहरी कार्यालय गरुडालाई घेराउ गरेको छ । गएराती करिब १ बजेतर्फ नै उपचारको क्रममा विजय रामको मृत्यू भएको हो ।

गत साउन ३१ गते भएको निरन्ज हत्या प्रकरणमा राम सहित अन्य ६ जना पक्राउ गरिएको थियो । तर, रामलाई हत्या गरिएको भनेर बयान दिन टर्चर गरेपछि उनको स्वास्थ्य अवस्था कमजोर भएको थियो । उनी किडनीका समेत विरामी भएका थिए ।