कोरोनाबाट मृत्यू भए हिन्दु सँस्कार अनुसार अन्त्येष्टि गर्नुपर्छ : हिन्दु परिषद

न्यूज ब्यूरो, जनकपुरधाम । कोरोना महामारीमा कसैको मृत्यू भएको खण्डमा सेनालाई जिम्मा लगाएर गाडने गरेको भन्दै हिन्दु परम्परा अनुसार नै अन्येष्टि गर्न दिनुपर्ने माग गरेको छ ।

विश्व हिन्दु परिसरले आईतबार एक प्रेस विज्ञप्ति जारी गर्दै सरकार तथा स्थानीय प्रशासनले हिन्दु परम्परा र सरकारकै नियम विपरित अन्येष्टि गर्ने गरेको भन्दै मृत्यू उपरान्त आफ्नै परम्परा अनुसार अन्त्येष्टि गर्न दिनुपर्ने माग अघि सारेका हुन् ।

नेपाल सरकार स्वास्थ्य तथा जनसंख्या मन्त्रालयबाट कोभिड-१९ का कारण मृत्यू भएका व्यक्तिहरुको शव व्यवस्थापन सम्बन्धि संक्षिप्त कार्यविधि २०७६ लाई थप परिष्कृत गरी संसोधन गरिएको छ ।

सोही कार्यविधिको परिच्छेद २ मा कोभिड १९ का कारण मृत्यू भएको शवलाई परम्परा देखि चलिआएको अन्त्येष्टि गर्ने स्थानमा नै विशेष सावधानी अपनाई अन्त्येष्टि गर्नु पर्छ भनी उल्लेख गरिएको छ ।

सोही कार्यविधिको परिच्छेद ५ मा पनि मृतकको धार्मिक परम्परा अनुसार शवको सम्मान गर्दै निजका आफन्तहरुलाई समेत सुरक्षित राख्नु पर्दछ भनी उल्लेख गरेता पनि हाल कोभिड १९ बाट मृत्यू भएको शवलाई नेपाल सरकारद्वारा जारी गरिएको निति नियम तथा हिन्दू धार्मिक परम्परा विपरित शवलाई गाडने कार्य भैरहेको प्रति विश्व हिन्दू परिषद नेपाल लगायतका धार्मिक संस्थाहरुको गम्भीर ध्यानाकर्षण भएको छ विज्ञप्तिमा उल्लेख छ ।

कोभिड-१९ बाट मृत्यु भएका व्यक्तिहरुको शव व्यवस्थापनको सेनालाई जिम्मा दिएको तथा सेनाले अस्पतालबाट प्लास्टिकमा बेरेर शवलाई निर्जन ठाउँमा गाडने गरेको भन्दै अब उपरान्त आफ्नै परम्परा अनुसारको अन्येष्टि गर्नदिनुपर्ने माग गरिएको हो ।

विज्ञप्तिमा भनिएको छ – “जहाँ परिवाको वा आफन्त कोही हुदैन । यस किसिमको कार्यबाट जनभावना आहात हुने हुदाँ जनभावना एवं सरकारको निति नियम समेतको कदर गर्दै कोभिड १९ बाट मृत्यू भएको व्यक्तिको शवलाई धार्मिक परम्परा अनुसार नै अन्त्येष्टि गर्नुपर्ने व्यवस्था मिलाउन सम्बन्धित पक्षलाई आग्रह गर्दछौँ ।”