जनकपुरः आईसोलेशनमा स्वीपर नाप्दै ज्वरो, डा. सिँहलाई मन्त्री साहले मागे स्पष्टिकरण

न्यूज ब्यूरो, जनकपुरधाम । प्रदेश २ सरकारले धनुषा जिल्लाको गंगुलीमा संचालन गरेको आइसोलेशन सेन्टरमा डाक्टरको सट्टा बढार सढार (स्वीपर, सफाई कर्मचारी) ले सँक्रमितहरुको तापक्रम चेकजाँच गरेको भिडियो भाइरल बनेको छ ।

आईसोलशनमा खटेका डाक्टरहरु आफू भित्र नगएर स्वीपरलाई पिपिई लगाउँदै चेकजाँचको लागि पठाएका थिए । सो क्रममा सोही आईसोलेशनमा एक सँचारकर्मी समेत रहेकोले उनले तापक्रमको बारेमा सोधेपछि अकबक बनेका थिए ।

धनुषाको नगराइन नगरपालिका–५ गंगुलीस्थित मिथिला आयुर्वेद मेडिकल कलेज तथा अनुसन्धान केन्द्रको भवनमा प्रदेश सरकारले निमार्ण गरेएको आइसोलेसन सेन्टरमा मेस्तरले ज्वोरो मापन गर्ने गरेको खुलेपनि प्रदेश नं. २ का समाजिक विकास मन्त्री नवल किशोर साह तुरुन्त एक्सनमा आएका हुन् ।

सो आइशोलेसनमा विमारीको रुपमा पुगेका पत्रकार राकेश साहले राखेको सो दृश्य आफैमा सर्वाधिक अर्थ लाग्दो छ । नाम नबताएपनि आफू स्वीपरको जिम्मेवारीमा रहेको बताउने पिपिई लगाएका व्यक्ति थर्मलगन सहित विरामीहरुको उपचारमा आएको धाक लगाए ।

मोबाईलको क्यामेरा तेर्साउदै पत्रकार साहले तपाई डाक्टर हो र सोध्दा होइन मलाई डाक्टर साहेवले पठाउनु भएको छ उनले जवाफ फर्काए । अनि पत्रकारले समान्य मान्छेको शरिरको तापक्रम कति हुन्छ थाहा छ तपाईलाई ? अर्को प्रश्न गर्दा जिल्ल परेका व्यक्ति आफु स्वीपर रहेको र डाक्टर साहेवको आदेशमा एकजना बृद्व विरामीको तापक्रम नाप्न आएको बताइ रहेका छन् ।

दृश्य आफैमा अर्थ पुर्ण र हाँसो लाग्दो छ । पत्रकारको प्रश्न पछि पोल खोलिएको सो प्रसंग पछि संक्रमित सवैजना हाँसी रहेका छन् । आइशोलेसनमा रहेका ललियाका एकजना बृद्वको अवस्था बुझन आफु डाक्टर साहेवलाई अर्हाएर आएको तिनले बताएका छन् ।

सँचारकर्मी साहले त्यो भिडियो फेसबुकमा अपलोड गरेपछि केही क्षणमै भिडियो भाईरल बनेको थियो । भिडियोको बारेमा बुझदै मन्त्री साहले आइसोलेशनका इन्चार्य डा. जमुन सिंहलाई घटना बारे २४ घण्टे स्पष्टीकरण सोधेका छन ।

उनले डयूटीमा रहेका स्वास्थ्यकर्मीलाई कारवाही गर्न निर्देशन समेत दिएका छन । प्रदेश नं. २ का मुख्यमन्त्री मो. लालबाबू राउतले एसियाकै उत्कृष्ट आईसोलेशन भन्दै आएपनि भित्रको अवस्था बल्ल खुलिरहेको छ ।

सधैं केन्द्र सरकारलाइ गाली गरेर राजनीतिक गरेका प्रदेश सरकारको पोल विस्तारै खुलिरहेको टिप्पणी गरिएको छ ।