सर्लाही युवा संजाल निरन्तर सक्रिय, गरिबको सहारा बन्दै

न्यूज ब्यूरा्े, जनकपुरधाम । सर्लाहीमा सक्रिय रहेको समाजिक युवा सँस्था सर्लाही युवा सँजालले गरिबको घाउमा मलहम लगाउने कार्यलाई निरन्तरता दिएको छ ।

सोही क्रममा विरामी भएर ज्यान गुमाएका सर्लाही हरिपुर्वा नगरपालिका वडा नं. ६ का बिरेन्द्र ठाकुरको परिवारलाई आर्थिक समस्या भएपछि सहयोग गरिएको हो ।

परिवारको आर्थिक अवस्था नाजुक रहेको भन्दै सर्लाही युवा संजालले उनको परिवारलाई आर्थिक सहयोग गरेको सँजालका प्रवक्ता राहुलराज यादवले जनाए । यादवलाई यो कुरा जानकारी भए लगत्तै उनीहरु संजालको तर्फबाट मद्दत गर्न अगाडि आएको बताएका छन् ।

सँजालका अध्यक्ष राज सिघानीया, सँजालका सदस्य भाग नारायण गुप्ता, शिवनाथ राउत कहर लगायतका युवाहरू मृतक बिरेन्द्र ठाकुरको घरमै पुगेर खाद्यान्न सामाग्री प्रदान गरेका छन।

१ कुन्टल १ क्वीन्टल चामल, ५ किलो दाल, नुन, तेल, स्वाबिन, हरियो तरकारी लगायतका सामग्रीहरु प्रदान गरिएको जनाइएको छ । राहत प्रदान गर्ने क्रममा स्थानिय युवा बिरेन्द्र अधिकारि, सुबोध यादव, पत्रकार मुकेश झा लगायतका युवाहरूले संजालका टिमलाई सघाएका थिए।

यता प्रवक्ता राहुलराज यादवले बिरेन्द्र ठाकुरलाई बचाउन नसकेकोमा दुखेसो पोख्दै उनको परिवार सँग क्षमा मागेका छन । बीरेन्द्रको मृत्यूपछि आर्थिक सँकटबाट जुधिरहेका उनको परिवारको बारेमा थाहा पाएलगत्तै सँजालका टोली उनको घरमा राहत लिएर पुगेको थियो ।

सँजालका प्रवक्ता राहुलराज यादव, राहत सामग्रीको सम्पुर्ण खर्च बेहोरेका संजालका सदस्य भागनारायण गुप्ता र शिबनाथ राउतको विशेष पहलमा राहत प्रदान गरिएको थियो ।

यसका साथै त्रीपाल मुनि बस्ने ठाकुरका पाँच सन्तान र एक गर्भवती श्रीमतीलाई शौचालय सहित एउटा सानो घर बनाईदिने वाचा समेत गरेका छन।

त्यस्तै संजाललाई अझै मजबुत बनाउन र सर्लाही जिल्लालाई आर्थिक, समाजिक, तथा राजनैतिक सबै पक्षमा बिकसित गराउन संजालको सदस्य बन्न सम्पुर्णमा अनुरोध गरेका छन।