जनकपुरमा एक कोरोना सँक्रमितको मृत्यू, कन्टयाक्ट ट्रयासिँग सुरु !

न्यूज ब्यूरो, जनकपुरधाम । जनकपुरको कदमचोकचोकदेखि कपिलेश्वर जाने बाटोमा रहेको विनय तारा फाउण्डेशन अस्पतालका गार्डको मृत्यू भएपछि कोरोना पाइएको छ ।

जनकपुरधाम उपमहानगरपालिका वडा नं. २ कदमचोक विद्यानगर स्थित रहेको बिनयतारा फाउडेशन क्यानसर अस्पालमा गार्डको काम गर्दै आएका धनुषाको मिथिला बिहारी नगरपालिका वडा नं. ५ ललिया बस्ने उक्त पुरुषको रिपोर्ट पोजिटिभ आएको धनुषाका सिडिओ प्रेम प्रसाद भट्टराईले जनाएका छन् ।

आईतबार स्वास्थ्य अवस्था बिग्रेर उनको मृत्यू भएपछि उनलाई कोरोनाको लक्षण आशंका गरिएको थियो । मृत्यूपछि गरिएको स्वाब परिक्षणमा कोरोना पोजिटिभ देखिएको हो ।

यता, धनुषाका प्रमुख जिल्ला अधिकारी प्रेम राज भट्टराईले उनमा कोरोनाको पुुष्टि भएको र सो क्षेत्रमा कन्टयाक्ट ट्रयासिँग सुरु गरिएको बताएका छन् । न्यूज ब्यूरोसँगको सँक्षिप्त कुराकानीमा सिडिओ भट्टराईले स्वास्थ्य कार्यालय, स्थानीय प्रशासनको सहयोगमा मृतको प्रत्यक्ष सम्पर्कमा आएका व्यक्ति र अस्पतालका कर्मचारीहरुलाई स्वाब सँकलन गरिने बताए ।

मृत्यू भएका पुरुष घर पनि बसेका थिए । उनी आफ्ना छोराछोरीसँग पनि बसेका थिए भने उनका छोराहरु ललियाको क्लबको स्थापना दिवस कार्यक्रममा सहभागी भएका थिए । जसमा स्थानीय जनप्रतिनीधिहरु सहित सयौं जनाको सहगभागीता थियो ।

सोही क्रममा आईतबार नै काब्या होस्पिटलमा समेत एकजना मुटु र दमका रोगीको मृत्यु भएको र स्वाब सँकलनपछि उनको रिपोर्ट भने नेगेटिभ आएको बताइएको छ । उनलाई कोरोना भने देखिएनन् ।