बीरगँजमा थप एक महिलाको मृत्यू, १० दिनमा ११ को मृत्यू !

न्यूज ब्यूरो, बीरगँज । कोरोना सँक्रमित थप एक महिलाको उपचारको क्रममा वीरगँजमा मृत्यू भएको छ । उनलाई उपचारको क्रममा शनिबार साँझ नै मृत्यू भएको जनाइएको छ ।

बीरगँजको नारायणी अस्पतालको मातहातमा रहेको गण्डक अस्थायी कोभिड विशेष अस्पतालमा उपचाररत महिलाको शनिबार साँझ मृत्यु भएको पुष्टि गरिएको हो ।

यस अघि सोही वडाकी एक महिलाको मृत्यू भएको केही घण्टामै अर्की महिलाको कोरोनाबाट मृत्यू भएको हो । वीरगञ्ज महानगरपालिका वडा नं. १६ नगवा निवासी ६८ वर्षीय महिलाको कोरोनाबाट मृत्यु भएको छ । वीरगञ्जमा आज कोरोना सङ्क्रमणबाट यो दोस्रो मृत्यु पुष्टि भएको हो ।

विगत केहिदिनदेखि नारायणी वयोधा अस्पतालको आइसियु कक्षमा उपचाररत महिलामा कोरोना सङ्क्रमण पुष्टि आज साँझ मात्रै भएपछी उनलाई गण्डक कोभिड अस्पतालमा सिफ्ट गरिएको थियो ।

श्वासप्रश्वास समस्या देखिएको उनको स्वाब नारायणी अस्पतालको ल्याबमा पिसिआर मार्फत परिक्षण गर्दा कोरोनाभाइरस सङ्क्रमण पुष्टि भएको थियो । उहाँको साँझ ६ बजे उपचारको क्रममा निधन भएको अस्पतालका डा. निरज सिंहले जानकारी दिए ।

उहाँको शव गण्डक कोभिड अस्पतालमै राखिएको छ । यससँगै पछिल्लो १० दिनमा कोरोना संक्रमणका कारण पर्सामा मृतकको संख्या ११ पुगेको छ ।