सडक हिलाम्य भएपछि स्थानीयलाई सास्ती

न्यूज ब्यूरो, जनकपुरधाम । निरन्तर बर्षाका कारण दैनिक आवतजावत हुने बाटो हिलाम्य भएपछि आवतजावतमा कठिनाई भएको भन्दै युवाहरुले वडाध्यक्षलाई ध्यानकर्षण गराएका छन् ।

धनुषाको शहिदनगर नगरपालिका वडा नं. २ को डरखोरिया जाने बाटो बर्षायाममा हिलाम्य भएको भन्दै आवातजावत सहज बनाउन माग गरिएको हो । सो क्रममा उनीहरुले वडाध्यक्षलाई मौखिक रुपमा तत्काले सडकको समस्या समाधान गरिदिन आग्रह गरेका छन् ।

स्थानीय युवाहरुले वडा नं. २ को डरखोरिया जाने बाटोमा सवारी साधन, मोटरगाडी, एम्बुलेन्स कुनै प्रकारको गाडीहरुलाई आवतजावत गर्न कठिनाई भएको भन्दै सडक समस्याप्रति ध्यान दिन ध्यानाकर्षण गराएको हो ।

डरखोरियाको प्रहरी चौकी अगाडी नै सडकको अवस्था विकराल भएको भन्दै सुरक्षाको दृष्टिकोणले समेत तत्काले सडकको समस्या समाधानको लागि वडाध्यक्ष जैसी भिनभारलाई ध्यानाकर्षण गराएको हो ।

यस सन्दर्भमा वडाध्यक्ष भिन्भारले बर्षायाम अगाडी नै सो सडकमा माटो हालेपनि भारी सवारी साधनको आवत जावतले गर्दा सडक बिग्रेको बताए । उनले बर्षा शान्त भएपछि मात्रै पुनः जिर्णोद्धारा गर्न सकिने बताए ।