दुई 'यादव' परिवारबीच झडप, आधा दर्जन घाईते !

न्यूज ब्यूरो, महोत्तरी । आज (बुधबार) विहान दुई परिवारबीच विवाद हुँदा कैयौं जना घाईते भएका छन् । बर्षाको पानी निकासको विषयमा विवाद उग्र हुँदा झडपमा परिणत भएको जिल्ला प्रहरी कार्यालय महोत्तरीले जनाएको छ ।

महोत्तरीको सोनमा गाउँपालिकाको वडा नं. ३ रघुनाथपुर स्थित बर्षाको पानीको निकासलाई लिएर समान्य विवाद भएको थियो । विस्तारै विवाद उग्र भएपछि दुई परिवारबीच नै झडपको रुप लिएको प्रत्यदर्शीहरुले बताएको छ । सो क्रममा ७ जना घाईते भएको प्रहरीले जनाएको छ ।

स्थानिय सुजीत यादवको परिवार र सोही ठाउँ बस्ने छिमेकी चतुरी यादवको परिवारबीच बर्षाको पानी निकासको लागि भनाभन भएको थियो । भनाभनले विस्तारै विवाद उग्र हुन पुगेको बताईको छ ।

विवाद उग्रभएपछि लाठी, फाटाले समेत हानाहान भएको बताइएको छ । घरेलु हतियार सहित उत्रेपछि झडप भएको हो । सो क्रममा सुजित यादव, सुजितकी ४० बर्षिया श्रीमती किरणदेवी, छोराहरु २० बर्षिय रविशंकर र हरिशंकर रहेका छन ।

त्यस्तै चुतरी यादवका २२ बर्षिय छोरा रुपेश, भाईवुहारी ४० बर्षिया बर्षा, र उनकी आमा रहेको बताईएको छ । उनीहरु सबै जनाको उपचार भने जनकपुरको जानकी हेल्थ केयरमा उपचार भईरहेको प्रहरीले जनाएको छ ।