शहिदनगरमा बाढीबाट बचाउनको लागि पूर्व अभ्यास

न्यूज ब्यूरो, जनकपुरधाम । अबिरल बर्षासँगै आउने बाढीबाट जुध्नको लागि शहिदनगरमा पूर्व अभ्यास गरिएको छ ।

विपद व्यव्स्थापनको टोलीले धनुषाको शहिदनगर नगरपालिकाको वडा नं. २ कमलपुर स्थित रहेको कमल पोखरीमा विपद सँग जुध्नको लागि पूर्व अभ्यास गरिएको हो । कमला नदीको किनारमै रहेको कमल पोखरीमा डिजास्टर मेनेजमेन्ट टोलीले उक्त अभ्यास गरेका हुन् ।

प्रत्येक वर्ष कमला नदीमा आउने ठुलो बाढीका कारण आसपासका ग्रामिण भेक जोखिममा पर्नुका साथै विभिन्न समयमा कैयौं जनाको ज्यान जाने गरेको घटनालाई मध्यनजर गर्दै डिजास्टर मेनेजमेन्ट टिमले अति उच्च बहाबमा पनि मान्छेको ज्यान जोगाउन सफल हुने अभ्यास गरेको हो ।

शहिदनगर नगरपालिकाका नगर प्रमुख उदय कुमार बरबरियाले तयार पारेको डिजास्टर मैनेजमेन्ट टोलीले बाढीमा मान्छे बग्दा उसलाई बचाउनको लागि चाहिने समाग्री र तौर तरिकाबारे अभ्यास गरिएको हो ।

शनिबार एक कार्यक्रमबीच समाजिक सँस्था लाईफ नेपालले विपदसँग लडन चाहिने समाग्रीहरु प्रदान गरेपछि टोलीले सो समानको प्रयोग र बचाउने तरिकाबारे सफल अभ्यास गरेका हुन् । नेकपाका धनुषा जिल्ला ईन्चार्ज एवम केन्द्रीय सदस्य श्रवण कुमार बरबरियाको विशेष उपस्थितिमा सो अभ्यास गरिएको हो ।

कोभिड १९ को महामारीलाई थेग्दै आएको आम नागरिकले अबिरल बर्षाका कारण प्राकृतिक आपदा बाढीसँग समेत जुध्ने बाध्यता भएको छ । सोसँगै लाईफ नेपालका अध्यक्ष सुरत ठाकुरले शहिदनगर नगरपालिकाका मेयर उदय कुमार बरबरियालाई लाईफ ज्याकेट ५ थान, रबर टयुब १ थान, स्वीमिँग टयुब ७ थान, साइरन स्टेण्ड सहित १ थान, पावर पुलिँग १ थान, नायलन डोरी १ रोल, सेफ्टी हेल्मेट ४ थान, थ्रु ब्याग १ थान, ह्याण्ड माईक १ थान प्रदान गरेका हुन् ।

समाग्रीको प्रयोग र उपयोगलाई देखाउने गरी लाईफ नेपालका अध्यक्ष सूरत ठाकुर, वडाध्यग वडा अध्यक्ष जैसी भिनबार, ईलाका प्रहरीका प्रहरी ईन्सपेक्टर दिपकवावु केसि, सशस्त्र प्रहरीका प्रहरी ईन्सपेक्टर सागर राई लगायत नगरपालिकाका अन्य कर्मचारी सहित स्थानीयहरुको मोटो सहभागीतामा विपद व्यवस्थापन सम्बन्धी अभ्यास गरिएको हो ।

जल तथा मौसम पूर्वानुमान विभागले आगामी ३६ घण्टा अर्थात ३ दिनसम्म विभिन्न नदिहरुमा पानीको बहाब उच्च हुने तथा जोखिम पनि उच्च हुने सँकेत दिएपछि शहिदनगर नगरपालिकाका मेयर बरबरियाले आफ्ना नगरका नागरिकलाई सुरक्षा प्रदान हेतु टिम तयारी अवस्थामा राखेका छन् ।

गत वर्ष मेयर बरबरियाले आफू स्वयंम ४ दिनसम्म कमला तटमा उपस्थित भएर कमला नदिको बहाबमा फँसेकाहरुलाई डिजास्टर मेनेजमेन्ट टोलीको सहयोगमा उद्धारमा खटेका थिए ।