लाईन क्रस गर्दै कोशी, यी क्षेत्रहरुमा हाईअलर्ट !

न्यूज ब्यूरो, जनकपुरधाम । कोशी नदीको आसपास क्षेत्रलाई हाईअलर्टमा राखिएको छ । आज दिउँसो १ः३० बजेसम्मको पानीको बहाब बढदै गएपछि हाई अलर्ट घोषणा गरिएको हो ।

आज दिउँसोसम्म पानीको बहाब उच्च हुँदै गएपछि आसपासको क्षेत्रमा हाई अलर्ट अर्थात उच्च सर्तकता अपनाउन अपिल गरिएको छ । तमोर नदी मुलघाट, धनकुटामा जलसतहले सतर्कता पार गरेको बताइएको छ ।

कोशी नदी चतरामा सतर्कता नजिक रहेको र सतर्कता पार गर्ने सक्ने अनुमान कोशी ब्यारेज कन्ट्रोल रुमले गरेको छ । सुनसरी र सप्तरी जिल्लाका तटीय क्षेत्रमा राती सम्मै उच्च सतर्कता अपनाउन आग्रह गरिएको छ ।