धनुषाः पूर्व पश्चिम राजमार्ग बन्द !

न्यूज ब्यूरो, जनकपुरधाम । धनुषाको गणेशमान चारनाथ नगरपालिकाले योजनाहरुको हरहिसाब नदिएको भन्दै स्थानीयहरुले चक्काजाम गरेका छन् ।

नगरपालिकाले चालु आर्थिक वर्षमा सँचालन गरेको विभिन्न योजनाको सूचना तथा हरहिसाब नदिएको भन्दै स्थानीयहरुले सूचना माग गरेपनि नदिएको भन्दै पूर्व पश्चिम राजमार्ग अवरुद्ध गरेको छ ।

गणेशमान चारनाथ नगरपालिकाको वडा नं. ३ बीरेन्द्र स्थित पूर्व पश्चिम राजमार्ग अवरुद्ध गरिएको हो । स्थानीयहरुले हिसाब मागेपछि वडा नं. ३ का वडाध्यक्ष सोनेलाल यादवले स्थानीयहरुलाई धम्काएको बताइएको छ ।

वीरेन्द्र बजारमा अहिले चक्काजाम गरिएको छ । पूर्व पश्चिम राजमार्ग भएर चल्ने सवारी साधनहरु जकथक परेको छ । एम्बुलेन्स तथा अन्य आवश्यक सवारीहरुलाई भने कुनै रोक लगाइएको छैनन् ।