जनकपुरः कागजमा बेरिएको नवजात शिशू भेटिए

न्यूज ब्यूरो, जनकपुरधाम । जनकपुरमा कागजमा बेरिएर सडकमा फालिएको अवस्थामा नवजात शिशु मृत फेला परेको छ ।

जनकपुरधाम उपमहानगरापलिका वडा नं. ८ रामानन्द चोक स्थित सडकमै शिशु कागजको पोको पारेर राखिएको अवस्थामा स्थानीयले देखेपछि प्रहरीलाई खवर गरेको थियो ।

रामानन्दचोकमै रहेको मेरी स्टोप्स सेन्टर (सुरक्षित गर्भपतन, गर्भ निरोधक सम्बन्धी सँस्था) जाने बाटोमै कागजमा पोको पारेर फालिएको हो । बच्चा केही महिनाको भएको प्रहरीले जनाएको छ ।

अबैद्य सम्बन्ध वा छोरा छोरी पाउने लोभमा गर्भपतन गराई बच्चा फालिको हुन सक्ने अनुमान बताउँदै जिल्ला प्रहरी कार्यालय धनुषाले शिशुको शव परीक्षणका लागि प्रादेशिक अस्पताल जनकपुरमा लगिएको बताएको छ ।