धनुषाः क्लव भवनको शिलान्यास

न्यूज ब्यूरो, जनकपुरधाम । धनुषाको धनुषाधाम नगरपालिका वडा नं. ८ स्थित एक क्लब भवनको शिलान्यास गरिएको छ ।

धनुषाधाम नपा ८ स्थित रहेको कुम्हरा टोल स्थित कुम्हरा युवा क्लवको भवन निर्माणको लागि नगरपालिकाबाट भवन निर्माणको लागि शिलान्यास गरिएको हो ।

लामो समयदेखि स्थानीय युवाहरुले क्लव भवन निर्माणको लागि प्रयास गर्दै आएपनि भवन बन्न नसकको खण्डमा वडाध्यक्ष विनोद दीप लामाले वाचा बमोजिम क्लबको भवन निर्माण गर्न लागेका हुन् ।

युवाहरुको प्रयास र आग्रहमा आर्थिक वर्ष २०७६/०७७ को बजेटमा भवन निर्माणको लागि वडास्तरीय बजेट विनियोजन गरिएको थियो ।

भवन निर्माणको लागि वडाबाट ५ लाख रुपैयाँ बजेट विनियोजन गरिएको कुम्हरा युवा क्लबका अध्यक्ष मुकेश कुमार ठाकुरले जानकारी दिए ।

आज (शुक्रबार) एक कार्यक्रमबीच धनुषाधाम नगरपालिकाकी उप प्रमुख विद्या देवी भूजेल र वडाध्यक्ष लामाले सँयुक्त रुपमा शिलान्यास गरेका हुन् ।

सो क्रममा बोल्दै उपमेयर भूजलले विकास निर्माणप्रति आफू सधैं प्रतिवद्ध रहने जनाउँदै युवाहरु देशको कर्णाधार भएकोले युवा विकासको लागि हरेक तह तप्काले सहयोग गर्ने प्रतिवद्धता जाहेर गरिन् ।

वडाध्यक्ष लामाले आफूले चुनावी माहौलमा युवाहरुसँग गरेको वाचा अनुसार क्वलको भवन निर्माण गरिएको बताए ।

यता, क्लबका अध्यक्ष मुकेश ठाकुरले आफ्नो र क्लबका अन्य पदाधिकारीहरुको अथक प्रयासपछि भवन निर्माणको कार्य भईरहेको जनाउँदै निकट भविष्यमै यही क्लबद्धारा समुदायिक एम्बलेन्स समेत सँचालन गर्ने बताए ।

शिलान्यास कार्यक्रममा क्लबका सल्लाहकार जगतनारायण मरिक यादव, सरोज यादव, गणेश यादव, महिन्द्र गोहिबार यादव लगायतको सहभागीता रहेको थियो ।