पूर्वमन्त्री मातृकाद्धारा शहिदनगरलाई स्वास्थ्य समाग्री सहयोग
आगामी दिनमा समेत समन्वयको भूमिका निर्वाह गरिदिन आग्रह समेत गरे ।
२०७७ जेठ २८ बुधबार, बेलुकी ५:४४ बजे१ मिनेट पढाइ
न्यूज ब्यूरो, जनकपुरधाम । नेकपाका प्रभावशाली नेता एवम् पूर्व मन्त्री समेत रहेका मातृका प्रसाद यादवले शहिदनगर नगरपालिकालाई स्वास्थ्य समाग्री प्रदान गरेका छन् ।
शहिदनगर नगरपालिकाका नगर प्रमुख उदय कुमार बरबरिया (यादव) लाई नेता यादवले क्वारेन्टाइनमा प्रयोग हुने स्वास्थ्य समाग्री सहयोग गरेका हुन् ।
नेता यादवले कोरोना भाइरसबाट जोगिनको लागि थर्मल गन ५ पिस, पिपिई १० सेट , सर्जीकल मास्क ५०० पिस, मास्क १० पिस, बुट कभर १० जोडा, चश्मा १० पिस र ग्लोब्स १० प्याकेट सहयोग गरेका छन् ।
कोरोनाको महामारीसँगै विभिन्न ठाउँमा स्वास्थ्य समाग्रीको अभाव हुन थालेपछि धनुषाको विभिन्न ठाउँमा नेता यादवले उक्त समाग्रीहरु सहयोग गरेका हुन् ।
सो क्रममा समाग्री बुझदै नगर प्रमुख बरबरियाले नेता यादवप्रति आभार प्रकट गर्दै आगामी दिनमा समेत समन्वयको भूमिका निर्वाह गरिदिन आग्रह समेत गरे ।
कस्तो महसुस भयो ?
प्रतिक्रिया दिन साइन इन गर्नुहोस्
AI सारांश र अडियो स्वचालित रूपमा तयार गरिएको — सम्पादकीय निगरानीमा प्रकाशित।
टिप्पणी
आफ्नो विचार राख्न साइन इन गर्नुहोस्।
लोड हुँदै…