धनुषाधाम क्वारेन्टाइनमा गुणस्तरीय भोजन

न्यूज ब्यूरो, धनुषा । धनुषाको धनुषाधाम नगरपालिकाको क्वारेन्टाइनमा गुणस्तरीय भोजनको व्यवस्था गरिएको बताइएको छ ।

धनुषाधाम नगरपालिकाका प्रमुख प्रशासकीय अधिकृत गणेशराज कार्कीले क्वारेन्टाइनमा रहेको १ सय ९६ जनाको लागि सन्तुलित भोजनको व्यवस्था गरिएको हो ।

दैनिक रुपमा उनीहरुको लागि एक छाकमै करिब ५० किलोसम्म चामल खर्च हुने गरेको बताउँदै उनीहरुको लागि मेस सँचालन गरिएको थपे ।

दैनिक रुपमा विहान ७ बजे चिया नास्ता, १० बजे भोजनको व्यवस्था गरिदै आएको छ । यसका साथै पुनः अपरान्ह ३ देखि ४ बजेको बीचमा समेत खाजाको व्यवस्था सहित बेलुकी ८ बजेसम्म रात्री भोजनको व्यवस्था गरिएको हो ।

दिनहुँ फरक प्रकारको परिकारहरु क्वारेन्टाइनमा खुवाउने गरिएको अधिकृत कार्कीले जनाए ।

उनका अनुसार, क्वारेन्टाइनमा रहेको १ सय ९६ जना सहित क्वारेन्टाइन व्यवस्थापन पक्ष गरी २ सय १० जनाको खाना दिनहुँ बनाउनु परेको छ ।

प्रत्येक दिन फरक फरक प्रकारको खाना खुवाउने गरिएको बताइएको छ । क्वारेन्टाइनभित्र रहेका व्यक्तिहरुलाई शरिरको इम्युनिटी पावर बढाउनको लागि समय समयमै सन्तुलित भोजनको व्यवस्था गरिएको हो ।