प्रदेश २ मा ९ बर्षिय बालिका सहित २२ जनामा कोरोना पुष्टि

न्यूज ब्यूरो, जनकपुरधाम । पछिल्लो २४ घण्टामा यस प्रदेश नम्वर २ मा ३ र ९ बर्षका वालकि तथा १ जना महिला र १९ जना पुरुषगरी कुल २२ जना ब्यक्तिहरुमा कोरोना संक्रमणको पुष्टि भएको छ ।

जस अनुसार धनुषा जिल्लामा ४ जना, महोत्तरी जिल्लामा ९ जना, रौतहट जिल्लामा ६ जना र बारा जिल्लामा ब्यक्तिहरुमा कोरोना संक्रमणको पुष्टी भएको हो ।

नियमिति मिडिया ब्रिफिँगको क्रममा मन्त्रालयका प्रवक्ता डा. राम प्रसाद घिमिरेले धनुषा जिल्ला जनकपुर उपमहानगरपालिका वडा नम्वर २० देवपुरु रुपैठा स्थित जनता माध्यमिक विद्यालयमा देवपुराको क्वारेन्टाईनमा रहँदै आएका बर्ष १८ देखि ४० बर्ष उमेर समुहका ३ जना पुरुषहरुमा कोरोना संक्रमणको पुष्टि भएको बताएका छन् ।

उक्त क्वारेन्टाइनमा रहेका तीन जना संक्रमितहरु छिमेकी मुलुक भारतबाट आएको बुझिएको छ । त्यसैगरी जनकपुर उपमहानगरपालिका नै बस्दै आएका अर्का २१ बर्षिय पुरुषमा समेत कोरोना संक्रमणको पुष्टि भएको छ ।

महोत्तरी जिल्ला स्थित मटियानी नगरपालिका स्थित श्री लक्ष्मीनारायण याज्ञवलक्य सँस्कृत क्याम्पसको क्वारेन्टाईनमा रहेका १४ बर्षिय किशोर तथा ४६ बर्षिय पुरुष सहित १८ देखि ४० बर्ष उमेर समुहका ९ जना पुरुषहरुमा कोरोना संक्रमणको पुष्टि भएको छ ।

महोत्तरीको मटियानीमा रहेका सम्पूर्ण संक्रमितहरु छिमेकी मुलक भारतबाट आएको बुझिएको छ । महोत्तरी जिल्लाकै सोनमा गाउँपालिकाका एक जना २६ बर्षिय पुरुषमा समेत कोरोना संक्रमणको पुष्टि भएको छ ।

रौतहट जिल्लाको ईशनाथ नगरपालिका वडा नम्वर ३ स्थित मठिया माध्यमिक विद्यालयको क्वारेन्टाईनमा रहेका ३८ बर्षिय महिला, ३ र ९ बर्षका वालकमा कोरोना संक्रमणको पुष्टि भएको छ ।

त्यसैगरी सोही नगरपालिकाको वडा नम्वर २ मा स्थित गंगा जमुना बोर्डिङ स्कुलको क्वारेन्टाईनमा रहेका २० र ४० बर्षिय पुरुषमा पनि कोरोना संक्रमण पुष्टि भएको छ ।

रौतहट जिल्लाकै गजुरा नगरपालिका वडा नम्वर ६ स्थित खतबैया मदरसा क्वारेन्टाईनमा रहेका बर्ष १९ का पुरुषमा समेत कोरोना संक्रमणको पुष्टि भएको छ । रौतहटमा कोरोना संक्रमण भएका सम्पूर्ण ब्यक्तिहरु छिमेकी मुलक भारतबाट आएको बुझिएको छ ।

बारा जिल्लाको बारागढी गाउँपालिकामा २६ र २७ बर्षिय तथा बारा जिल्लाकै बीसरामपुर गाउँपालिकामा २० बर्षिय पुरुषमा समेत कोरोना संक्रमणको पुष्टि भएको छ ।

कोरोना संक्रमितहरुको संख्या बढीरहेको वर्तमान समयमा कारोनालाई जितेर सामान्य जीवनमा फर्कनेहरुको संख्या समेत बढी रहेको छ । विभिन्न स्वास्थ्य यस २ नम्वर प्रदेशमा हालसम्म १ सय २३ जना कोरोना संक्रमित ब्यक्तिहरु उपचार पश्चात निको भएका छन् ।

जिल्लागत रुपमा सप्तरीबाट १ जना, धनुषा बाट ५ जना, महोत्तरीबाट ३ जना, सर्लाहीबाट १ जना, रौतहटबाट ३ जना, बारा बाट ९ जना, पर्साबाट ९६ जना र अन्य जिल्ला स्थायी ठेगाना भई यस प्रदेशममा बसोबास गरिरहेका तथा छिमेकी मुलुक भारतका नागरिहरु समेतगरी ५ जना ब्यक्तिहरु उपचार पश्चात निको भएका हुन् ।

महोत्तरी जिल्लाको जलेश्वर अस्पतालको आइसोलसन कक्षमा २ जना महिला र ३५ जना पुरुषगरी कुल ३७ जना कोरोना संक्रमितहरुको उपचार भइरहेको छ ।

सर्लाही जिल्ला मंलगवामा रहेको अल्पामाई रामनारायण यादव नर्सिङ्ग कलेजको आइसोलेसन कक्षमा कोरोना संक्रमित ४३ जना पुरुष र २ जना महिलागरी कुल ४५ जना कोरोना संक्रमितहरुकोको उपचार भइरहेको छ ।

सर्लाही जिल्लाकै फरहदवा स्वास्थ्य चौकीको आइसोलेसन कक्षमा १ जना महिला र ८ जना पुरुषहरुको आईसोलेसन कक्षमा उपचार भइरहेको छ ।

रौतहट जिल्ला स्थित चपुर अस्पतालमा २ जना महिला र २१ जना पुरुष गरी ३२ जना कोरोना संक्रमितहरुको उपचार भइरहेको छ ।

रौतहट जिल्ला गौर नगरपालिका स्थित गौर नर्सिङ्ग इन्टिच्यूटको आइसोलेसन कक्षमा ४ महिला र ३१ पुरुषगरी कुल ३५ जना, रौतहट जिल्लाकै राजपुर फरहदवामा रहेको प्राथमिक स्वास्थ्य केन्द्रको आइसोलेसन कक्षमा २५ जना पुरुष र देवाही गोनाही नगरपालिका स्थित जय किसन उच्च माध्यमिक विद्यालयको आइसोलेसनमा २ जना महिला र ८१ जना पुरुषगरी कुल ८३ जना कोरोना संक्रमितहरुको उपचार भईरहेको छ ।

रौतहड जिल्लाकै गरुडा नगरपालिकामा रहेको नेपाल प्रहरी विद्यालयमा ७१ पुरुष र ५ महिलागरी कुल ७६ जना कोरोना संक्रमितहरुको उपचार भइरहेको छ ।

बारा जिल्लाको कलैया अस्पतालको आइसोलेसन कक्षमा ४३ जना पुरुष र २ जना महिलागरी कुल ४५ जना कोरोना संक्रमितहरुको उपचार भइरहेको छ । पर्सा जिल्लामा नारायणी अस्पताल अन्तर्गत रहेको कोभिड १९ बिषेश अस्पताल गण्डक अस्पतालमा २५ जना पुरुष र ३ जना महिलागरी कुल २८ जना कोरोना संक्रमितहरुको उपचार भइरहेको छ ।

त्यसैगरी सिराहा जिल्ला सिराहा नगरपालिका स्थित सिराहा कोभिढ विशेष अस्पताल सिराहामा ५ जना, प्रादेशिक अस्पताल जनकपुर अन्तर्गत रहेको कोभिड १९ विशेष अस्पतालमा ४ जना, महोत्तरी जिल्लाको जलेश्वर कोभिड विषेश अस्पतालमा ८ जना र पर्सा जिल्लाको पोखरिया स्थित कोभिड विशेष पोखरिया अस्पतालमा १ जना गरी कुल १८ जना कोरोना आसंकीत बिरामीहरुको आइसोलेसन कक्षमा राखेर उपचार भइरहेको छ ।