दलितमाथिको दमन र विभेद अन्त्यको माग गर्दै दीप प्रज्वलन

न्यूज ब्यूरो, जनकपुरधाम । दलित समुदायमाथि हुँदै आएको दमन र विभेद अन्त्यको लागि सरकारसँग माग गर्दै दीप प्रज्वलन गरिएको छ ।

चमार कल्याण समाज नेपालको आग्रहमा पिसफोर दलित फाउन्डेसन नेपाल, चमार कल्याण समाज पसा, दलित अधिकार समाज पर्सा लगायतले पर्सामा दीप प्रज्वलन गरेको हो । दीप प्रज्वलन गर्दै उनीहरुले दलित समुदायहरुमाथि भइरहेको दमनको विरोधमा सत्यतथ्य छानविनको माग गरेका छन् ।

पर्साको सखुवाप्रसौनी गाउँपालिका वडा ५, महुवनमा साँझ ७ बजे दीप प्रज्वलन गर्दै रुकुम पश्चिमको घटनामा ज्यान गुमाएकाप्रति श्रद्धाञ्जली अर्पणसमेत गरिएको छ । बेपत्ता भएका युवाहरुको खोजी र दोषि उपर कार्वाहीको लागि सरकारलाई दबाब सृजना गर्न दीप प्रज्वलन गरिएको आयोजकले जनाएको छ ।