धनुषामै २८ सहित प्रदेश २ मा ७६ कोरोना सँक्रमित थपिए !

न्यूज ब्यूरो, जनकपुरधाम । आज विहानै धनुषाको २९ जना सहित प्रदेशभरिमा ७६ जनामा नयाँ कोरोना सँक्रमण पुष्टि भएको छ ।

प्रदेश नं. २ को मिडिया ब्रिफिँगको अधिकारिक समूहमा अहिले बिहान प्राप्त जानकारी अनुसार प्रदेश २ मा आज ७६ जना कोरोना भाइरसबाट संक्रमित भएको पुष्टि भएको हो ।

मिडिया ब्रिफिँगको पूर्णपाठ

पछिल्लो २४ घण्टामा यस प्रदेश नम्वर २ मा ७६ जना ब्यक्तिहरुमा कोरोना संक्रमणको पुष्टि भएको छ । जस अनुसार सप्तरी जिल्लामा १४ जना, सिराहा जिल्लामा ६ जना, धनुषा जिल्लामा २८ जना, महोत्तरी जिल्लामा १८ जना र रौतहट जिल्लामा ३ जना रहेका छन् ।

यो संगै प्रदेश २ मा संक्रमितिहरुको संख्या ४०० सय पुगेको छ । सप्तरी जिल्लाको बोदेबर्साइन नगरपालिका स्थित चन्द्रा नमुना माध्यमिक विद्यालयमा रहेको क्वारेन्टाईनमा गत जेठ ६ गते स्वाव संकलन गरिएको थियो । उक्त स्वाव संकलन गरिएका मध्ये बोदेबर्साइन नगरपालिकाका बर्ष, १८, १९, २१, २७, २९ तथा ३० बर्षका २ जना र ३३, ३६, ३७, ४२, ४७ गरी कुल १२ जना स्थानीय पुरुषहरुमा कोरोना संक्रमण पुष्टि भएको हो ।

त्यसैगरी सप्तरी जिल्लाको बिष्णुपुर गाउँपालिकाका ३२ बर्षिय पुरुष र पर्सा जिल्ला घर भई हाल सप्तरी जिल्लामा पेशागत कामको सिलसिलामा बस्दै आएका ३२ बर्षिय पुरुषमा समेत कोरोना संक्रमणको पुष्टि भएको छ । संक्रमित सवै जना छिमेकी मुलुक भारतबाट आएको र उनीहरुलाई आए लगत्तै स्थानीय क्वारेन्टाईनमा राखिएको खुल्न आएको छ ।

सिराहा जिल्लाको बरियारपट्टी गाउँपालिकामा रहेको जय माध्यमिक विद्यालयमा गत जेठ ६ गते गरिएको स्वाव संकलनको रिपोर्टको आधारमा बर्ष १८ का ३ जना, बर्ष ३५ का २ जना र बर्ष ४० का एक जना पुरुषमा कोरोना संक्रमण पुष्टि भएको छ ।

सिराहा जिल्लामा कोरोना संक्रमण पुष्टि भएका ६ जना पुरुषहरु छिमेकी मुलुक भारतबाट आएको बुझिएको छ । धनुषा जिल्ला स्थित जनक नन्दिनी गाउँपालिकाका १९ बर्षिय पुरुषमा कोरोना संक्रमण पुष्टि भएको छ । हामीले आजभन्दा १० दिन अगाडीको यसै मिडिया ब्रिफिङ्ग मार्फत धनुषा जिल्ला घर भई काठमाण्डौ बस्दा आएका एक जना पुरुषमा कोरोना संक्रमण पुष्टि भएको जानकारी गराएका थियौं ।

निजको परिवार भने धनुषा जिल्लामा नै बस्दै आएकोले परिवारलाई होम क्वारेन्टाईन राखेर स्वाव संकलन गरिएको थियो । जस अनुरुप लक्ष्मीनिया गाउँपालिका स्थित होम क्वारेन्टाईनमा बस्दै आएका बर्ष ४, १४, २७ र २८ बर्षका महिला तथा अन्य ३ पुरुषहरुमा कोरोना संक्रमण पुष्टी भएको छ । त्यसैगरी लक्ष्मीनिया गाउँपालिकामा रहेको क्वारेन्टाईनमा बस्दै आएका ८ जना पुरुषहरुमा कोरोना संक्रमण पुष्टी भएको छ र उनीहरु छिमेकी मुलुक भारतबाट आएको बुझिएको छ ।

त्यसैगरी धनुषा जिल्लाकै २२ बर्ष की एक महिला, २१, २५, २८, तथा ३१ बर्षका २ जना र ७० बर्षका एक जना पुरुषगरी थप ७ समेत कोरोना संक्रमण पुष्टि भएको छ । महोत्तरी जिल्ला स्थित जलेश्वर नगरपालिकामा रहेको क्वारेन्टाईनमा गत ९ गते ३४ जनाको स्वाव संकलन गरिएको थियो । स्वा संकलन गरिएका मध्ये ४५ बर्षिय महिला, २० बर्षमा २ जना, २१ बर्षका ३ जना तथा १५, १९, २२, २६, २३, ४५, १८, २१, १९, ३७ र उमेर खुल्न नसेकेका एक जना पुरुषमा कोरोना संक्रमण पुष्टी भएको हो ।

सर्लाही जिल्लाको मलंगहवा नगरपालिका स्थित पब्लिक माध्यमिक विद्यालयको कर्भट हलमा निर्माण गरिएको क्वारेन्टाईनमा बस्दै आएका ७ जना पुरुषहरुमा कोरोना संक्रमण पुष्टि भएको छ । छिमेकी मुलुक भारतबाट आएका उनीहरुको गत जेठ ९ गते स्वाव संकलन गरिएको थियो । स्वाव संकलन गरिएका मध्ये बर्ष १७, १८, २१, २६ तथा ३० बर्षका २ जना र ३१ बर्षिय पुरुषमा कोरोना संक्रमण पुष्टि भएको हो । रौतहट जिल्लाको राजदेवी नगरपालिका वडा नम्वर ६ मा रहेको मुडबलवा माध्यमिक विद्यालयको क्वारेन्टाईनमा बस्दै आएका २१, २४ र ३० बर्षिय ३ जना पुरुषहरुमा कोरोना संक्रमणको पुष्टि भएको छ ।

कोरोना संक्रमणको तीब्रता देखिएपछि स्वाव संकलन कार्यलाई पनि अझ प्रभाकारी बनाइएको छ । जस अनुसार यस मिडिया ब्रिफिङ्ग हुनुभन्दा अगाडिसम्म रौतहट जिल्लाको परोहा नगरपालिका, यमुनामाई गाउँपालिका, दुर्गाभगवती गाउँपालिका, बृन्दाबन नगरपालिकामा १३५ जनाको स्वा संकलन गरिसकिएको छ भने सोही जिल्लाको माधव नारायण नगरपालिका, राजदेवी नगरपालिका र गौर नगरपालिकामा स्वाव संकलन कार्य भइरहेको छ ।

त्यसैगरी आजै पर्सा जिल्लाको पर्सागढी नगरपालिका, पटेरवा सुगौली गाउँपालिका र बीरगंज महानगरपालिका स्थित त्रिजुद्ध माध्यमिक विद्यालयमा रहेको क्वारेन्टाईन स्वाव संकलनको कार्य भइरहेको जानकारी गराृउन चाहान्छु । यस २ नम्वर प्रदशेमा २०७७ साल बैशाख १४ गते २ जना कोराना संक्रमितहरु उपचार पश्चात निको भएर नारायणी अस्पताल बीरगंजबाट डिस्चार्ज भएका थिए । पछिल्लो समय २०७७ साल जेठ १० गते ९ जना, ११ गते १८ जना र १२ गते ४३ जना संक्रमितहरु पनि नारायणी अस्पातालबाट नै डिस्चार्ज भएका थिए ।

जेठ १३ पर्सा कै नारायणी अस्पताल माहतत रहनेगरी सञ्चालन गरिएको गण्डक अस्पताल बीरगंज पबाट २१ जना उपचार पश्चात डिस्चार्ज भएका थिए भने हिजो अर्थात २०७७ साल जेठ १४ गते ४ जना संक्रमितहरु पनि उपचार पश्चात डिस्चार्ज भएका छन् ।

योसँगै यस प्रदेशमा ९७ जना कोरोना संक्रमण प्रमाणीत भएका ९७ जना ब्यक्तिहरु उपचार पश्चात निको भएका छन् । त्यसैगरी पि.सि.आर.परिक्षण मार्फत संक्रमण प्रमाणित भएका सप्तरी जिल्ला स्थित गजेन्द्र नारायण सिंह सगरमाथा अस्पतालको आइसोलेसन कक्षमा १६ पुरुष र १ महिलागरी कुल १७ जना कोरोना संक्रमितहरुको उपचार भइरहेको छ ।

सिराहा जिल्ला महेन्द्र गेनाई अस्पतालको आइसेलसन कक्षमा कोरोना संक्रमित ८ जना पुरुषहरुको उपचार भइरहेको छ । त्यसैगरी धनुषा जिल्ला स्थित प्रादेशिक अस्पताल जनकपुरको आइसोलेसन कक्षमा २ महिला र २४ पुरुषगरी कुल २६ जना कोरोना संक्रमितहरुको उपचार भइरहेको छ ।

महोत्तरी जिल्लाको जलेश्वर अस्पतालको आइसोलसन कक्षमा ३ जना कोरोना संक्रमित पुरुषहरुको उपचार भइरहेको छ । सर्लाही जिल्ला मंलगवामा रहेको अल्पामाई रामनारायण यादव नर्सिङ्ग कलेजको आइसोलेसन कक्षमा कोरोना संक्रमित १३ जना पुरुषहरुको उपचार भइरहेको छ ।

रौतहट जिल्ला स्थित चपुर अस्पतालमा ७ जना पुरुष, रौतहट जिल्लामा नै रहेको गौर नर्सिङ्ग इन्टिच्यूटको आइसोलेसन कक्षमा ४ महिला र २५ पुरुषगरी कुल २९ जना, रौतहट जिल्लाकै राजपुर फरहदवामा रहेको प्राथमिक स्वास्थ्य केन्द्रको आइसोलेसन कक्षमा २५ जना पुरुष र रौतहट जिल्लाको देवाही गोनाही नगरपालिका स्थित देवाही गोनाही पोलिटेक्निक ईन्स्टिच्यूट धरहरीमा १४ जना पुरुष कोरोना संक्रमितहरुको उपचार भइरहेको छ ।

बारा जिल्लाको कलैया अस्पतालको आइसोलेसन कक्षमा ४४ जना पुरुष र २ जना महिलागरी ४६ जना संक्रमितहरुको उपचार भइरहेको छ । पर्सा जिल्लामा ५ जना कोरोना संक्रमित पुरुषहरुको बिरगंज महानगरपालिका स्थित गण्डक अस्पतालको आइसोलेसन कक्षमा उपचार भइरहेको छ ।