सर्वोदयको विद्यालय व्यवस्थापन समितिमा साहको सपथ

न्यूज ब्यूरो, धनुषा । धनुषाको औरही गाउँपालिका स्थित रहेको सर्वोदय माध्यमिक विद्यालयको व्यवस्थापन समिति अध्यक्षमा परमेश्वर साहलाई चयन गरी सपथ खुवाइएको छ ।

औरही गाउँपालिका वडा नं. १ पौडेश्वर स्थित रहेको सो विद्यालयको व्यवस्थापन समितिमा साहलाई सर्वसम्मतिबाट चयन गरिएको हो । उनलाई मँगलबार सपथ खुवाइएको हो ।

गाउँपालिका अन्तर्गत रहेको गाउँपालिका शिक्षा समितिले साहलाई चैत्र ४ गते नै अध्यक्षका लागि घोषणा गरेपनि लकडाउको कारण अगाडीको प्रक्रिया बढाउन सकिएको थिएनन् ।

गठन गरिएको ७ सदस्यीय समितिका अन्य पदाधिकारीहरुले समेत मँगलबार सपथ लिएका हुन् ।

विद्यालयकै प्राङ्गणमा मंगलवार ७ सदस्यीय विव्य समितिका पदाधिकारीलाई सोही गाउँपालिकाका अध्यक्ष ब्रम्हदेव यादवको प्रमुख अतिथ्यमा सपथ ग्रहण तथा पद हस्तान्तरण गराइएको छ ।

समितिको सदस्यहरुमा दीप रोशन यादव उर्फ दीपक, मकेश्वर प्रसाद साह, संजीता सहनीरहेका छन् ।

त्यस्तै पदनीय सदस्यमा सोही वडाका वडा अध्यक्ष अशेश्वर यादव, पदनीय सचिवमा विद्यालयका प्राध्यापक गणेश साह र शिक्षक सोभन साह रहेको जनाइएको छ ।

सपथ ग्रहण तथा पद हस्तान्तरण कार्यक्रममा लकडाउनलाई मध्यनजर गर्दै सामाजिक दुरी कायम राखेका थिए । कार्यक्रममा रामजानकी माध्यमिक विद्यालयका विव्य समिति अध्यक्ष सुजित कुमार यादव, स्थानीय भलभलादमी, राजनीतिक दलका प्रतिनिधिहरु सहितको उपस्थिति रहेको थियो ।