प्रदेश २ मा २६ जना नयाँ सँक्रमित थपिए !

न्यूज ब्यूरो, जनकपुरधाम । प्रदेश नं. २ मा आज विहानै २६ जना नयाँ कोरोना सँक्रमित थपिएको छ ।

समाजिक विकास मन्त्रालयका प्रवक्ता डा. राम प्रसाद घिमिरेका अनुसार प्रदेश २ मा आज विहान ९ बजेसम्मको अपडेट अनुसार २६ जनामा नयाँ सँक्रमण देखिएको हो ।

न्यूज ब्यूरोसँगको कुराकानीमा डा. घिमिरले महोत्तरीमा २ जना, बारामा ३ जना र रौतहटमा २१ जना गरी कुल २६ जना नयाँ सँक्रमित थपिएको हो ।

यससँगै प्रदेश नं. २ मा कुल सँक्रमितको सँख्या २ सय ६५ पुगेको छ । सोमबार राती मात्र ओसोलेशनबाट २ जना महिला सहित ४३ जना निको समेत भएको डा. घिमिरेले जनाएका छन् ।

यद्यपी, यसबारे केन्द्रीय स्वास्थ्य तथा जनसँख्या मन्त्रालयले यो समाचार तयार पारुन्जेलसम्म वेभसाईटमा अपडेट गरेको देखिएनन् । मन्त्रालयको वेभसाइटमा विहान ९ः४० बजेसम्म कुल सँक्रमित सँख्या ६८२ देखाएको छ ।