जनकपुरको आइसोलेसनबाट एक कोरोना संक्रमित फरार

न्यूज ब्यूरो, जनकपुरधाम । जनकपुरमा उपचाररत एक जना कोरोना संक्रमित व्यक्ति फरार भएका छन् ।

जनकपुर नर्सिंग क्याम्पसस्थित कोभिड १९ अस्पतालमा उपचारका लागि राखिएको एक पुरुष फरार भएका हुन् ।

धनुषाको धनकौलका ४५ वर्षीय पुरुष आइतवार विहान करिब ३ बजे अस्प्तालबाट फरार भएको प्रहरीले जनाएको छ । धनुषाका प्रहरी उपरिक्षक रमेश बस्नेतका अनुसार मानसिक सन्तुलन गुमाएका उनलाई बाहिरबाट ढोकामा चुकुल लगाएर लक गरी राखिएको थियो ।

यसअघि समेत पटकपटक उनी भाग्ने प्रयास गरेपछि बाहिरबाट चुकुल लगाएर कोठाभित्र राखिएको थियो । तर, सबैजना सुतेको अवस्थामा जोडबल गरेर चुकुलको स्क्रु खोलेर उनी फरार भएको बताइएको छ ।

उनको खोजी कार्य भइरहेको प्रहरीले जनाएको छ ।