सिरहाबाट ३६ वर्षे पुरुष पाँच दिनदेखि बेपत्ता

न्यूज ब्यूरो, सिरहा । सिरहाबाट एक पुरुष विगत ५ दिनदेखि बेपत्ता बनेका छन् ।

सिरहा नगरपालिका भलुवाहीका भिमालु कामतिका अन्दाजी ३६ वर्षीय छोरा छेदु कामति पाँच दिनदेखि सम्पर्क विहिन बनेका हुन् ।

मानसिक सन्तुलन बिग्रेका उनको अवस्था पाँच दिनदेखि अज्ञात छ । उनको खोजीमा निरन्तर आफन्त लागेपनि अहिलेसम्म फेला पर्न सकेका छैनन् ।

निरन्तर खोजविन जारी राखेपनि छेदु नभेटिएपछि उनको परिवार विचल्लीमा परेका छन् । उनलाई कसैले कहीँकतै भेटेमा न्यूज ब्यूरोलाई जानकारी गराइदिन अनुरोध छ ।