जनकपुरः अब सीमामा युवाहरु २४ सै घण्टा खट्दै

न्यूज ब्यूरो, जनकपुरधाम । कोरोना भाइरस (कोभिड–१९) को संक्रमण रोकथामको लागि स्थानीय युवाहरु आफैं सीमामा उभिएका छन् ।

धनुषाको विदेह नगरपालिका वडा नं. १ ठाढी झिझाको महिनाथुर नाकामा युवाहरुले भारतबाट आउनेलाई रोक्नको लागि सक्रिय भएका छन् ।

लकडाउनको समयमा पनि ठाढी महिनाथपुर नेपाल–भारत सीमा क्षेत्रमा मानिसको आवतजावत नरोकीए पछि सुरक्षा व्यवस्था कडा बनाइएको छ ।

लकडाउनका बेला भारतबाट आउने क्रम नरोकीए पछि सीमा क्षेत्रमा शसस्त्र प्रहरीको सुरक्षा पोष्ट राखिएपनि मान्छेहरु खेतबाटो र लुकिछीपी आवतजावात गरेको भन्दै उनीहरु आफैं अब निगरानी गर्ने भएको छ ।

युवाहरुको एक समूहले २४ सैं घण्टा सीमामा खटिने स्थानीय युवा रजनिश साहले जानकारी दिएका छन् । कतिपय भारतीय नागरिक समेत सुरक्षीत स्थानको खोजीमा आफन्त खोज्दै नेपाल प्रवेश गरिसकेका छन् ।

कोरोनाको जोखिम बढ्ने भएकाले सुरक्षाकर्मीको पोष्ट थप गरिएको स्थानीय युवा नेता जितेन्द्र साहले जानकारी दिएका छन् ।

सीमा क्षेत्रमा सुरक्षाकर्मी थप तथा ठाढीका ३५ युवा दिनरात २४ औं घण्टा खटेपछि लुकिछिपि आवातजावत गर्ने क्रम समेत घटेको छ ।

सुरक्षाकर्मीले सीमामा नियमित रुपमा गस्ति गर्न थालेपछि सीमानाका का नागरिकले सुरक्षाको पूर्ण रुपले पालना गरिरहेको स्थानीय लालबाबू ठाकुरले जनाए ।

युवाहरुको यी जोश र जाँगर तथा देशप्रतिको माया देखेर जनप्रतिनीधिहरुले समेत सराहना गरेका छन् ।