कोरोनाले थप १ जनाको मृत्यू, मृतक सँख्या २ पुग्यो !

न्यूज ब्यूरो, जनकपुरधाम । नेपालमा थप एक जनाको कोरोनाले मृत्यू भएको स्वास्थ्य मन्त्रालयले जनाएको छ ।

स्वास्थ्य तथा जनसँख्या मन्त्रालयले अपरान्ह ४ः३० बजे गरेको अपडेट अनुसार, बाँके जिल्लाको नरैनापुर गाउँपालिकाको एक युवकको मृत्यू पुष्टि भएको हो ।

प्रदेश नं. ५ को बाँकेमा ती व्यक्ति क्वारेन्टाइनभित्रै आज विहान ढलेका थिए । केही बेरमा उनको मृत्यू भएको पुष्टि भएको थियो भने के कारणले मृत्यू भएको खुल्न सकेको थिएन ।

यो पनि पढनुहोस् : क्वारेन्टाइनभित्रै एक युवक ढले, रिपोर्ट आउन बाँकी !

बाँकेको नरैनापुर गाउँपालिका वडा नम्बर ५ दिपेन्द्र प्राथमिक विद्यालय भोजभगवानपुर क्वारेन्टाइनमा रहेका ती युवकको कोरानाकै कारणले मृत्यू भएको मन्त्रालयले पुष्टि गरेको छ ।

आज (आईतबार) बिहान उक्त क्वारेन्टाइनमा बसेका नरैनापुर गाउँपालिका वडा नम्बर ५, नयाँबस्तीका २५ बर्षिय एक युवकको मृत्यू भएको स्वास्थ्य मन्त्रालयले जनाएको छ ।

मृत्यू भएका युवक गत बैशाख ३० गते भारतको मुम्बईबाट नेपाल आई उक्त क्वारेन्टाइनमा बसेका थिए । उनको आज विहानै मृत्यू भएको हो ।

शनिबार मात्रै उक्त क्वारेन्टाइनबाट स्वास्थ्य कार्यालय बाँकेको टोलीले उनी सहित ३९ जनाको स्वाब संकलन गरि पिसिआर जाँचका लागि भेरी अस्पताल लगिएको थियो ।

मृत्यूपछि उनको स्वाब टेस्ट कोरोना पोजिटिभ पाइएको मन्त्रालयले जनाएको छ ।