मधेश इन्जिनियर्स एसोसिएसनको बागमती प्रदेश कार्यसमिति गठन

न्यूज ब्यूरो, जनकपुरधाम । मधेश इन्जिनियर्स एसोसिएसनको बागमती प्रदेश कार्यसमिति गठन भएको छ ।

एसोसिएसनले ३५ सदस्यीय प्रदेश कार्यसमिति गठन गरेको हो । नव गठित कार्यसमितिको प्रदेश ईन्चार्जमा ई. सितेश कुमार यादव चयन भएका छन् ।

यस्तै, अध्यक्षमा ई. स्तुती झा चयन भएका छन् । उनीहरु दुबैजना धनुषा जिल्ला निवासी हुन् भने हाल काठमाडौंलाई कार्यक्षेत्र बनाएर बस्दै आएका छन् ।

त्यसैगरी, प्रदेश सह ईन्चार्जमा ई. रामपृत मण्डल रहेका छन् भने बरिष्ठ उपाध्यक्षमा ई. शैलेन्द्र यादव चयन भएका छन् ।

एसोसिएसनको केन्द्रीय समितिद्वारा बैशाख २६ गते गरिएको निर्णय अनुसार जिल्ला, प्रदेश र केन्द्रीय समिति पुनर्गठनको कार्य तालिका तय भएपनि कोरोना भाइरसको त्रासका कारण गठन पक्रिया प्रभावित बनेको छ ।

तथापी, यसलाई पूर्णता दिन अनलाइनबाटै छलफल र विचार विमर्श गरी समिति गठन प्रक्रियालाई अगाडि बढाइएको एसोसिएसनले जनाएको छ ।