सिरहा : डुल्न निस्किएका युवक झुन्डिएको अवस्थामा भेटिए !

न्यूज ब्यूरो, सिरहा । सिरहामा एक युवकको शव झुन्डिएको अवस्थामा फेला परेको छ ।

सिरहा नगरपालिका–१६, माडरका विजय महराको २० वर्षीय छोरा शत्रुधन महराको शव झुन्डिएको अवस्थामा भेटिएको हो । बिहीबार साँझ खाना खाएर डुल्न निस्किएका शत्रुधन शुक्रबार विहान मृत भेटिएका हुन् ।

गाउँदेखि करिब आधा किलोमिटर पश्चिम आँपको बगैंचामा रुखमा झन्डिएको अवस्थामा उनको शव देखेपछि स्थानीयले प्रहरीलाई खबर गरेका थिए । शव पोष्टमार्टमको लागि जिल्ला अस्पताल सिरहा पठाइएको छ ।

पोष्टमार्टम रिपोर्ट आएपछि मात्रै घटनाबारे केहि भन्न सकिने प्रहरीले बताएको छ । यसबारे थप अनुसन्धान भइरहेको छ ।