थप २ कोरोना सँक्रमित भेटियो, सँख्या १०१ पुग्यो !

न्यूज ब्यूरो, जनकपुरधाम । बुधबार मात्र १७ जनामा कोरोना पुष्टि भएको २४ घण्टापछि पुनः २ जना थप भेटिएको छ ।

स्वास्थ्य तथा जनसँख्या मन्त्रालयले जारी गरेको प्रेस विज्ञप्तिमा कपिलवस्तुका २ जना पुरुषमा कोरोना सँक्रमण भेटाएको हो ।

क्रमशः १६ र २२ वर्षिय पुरुष रहेको मन्त्रालयको प्रेस विज्ञप्तिमा उल्लेख छ । आज (विहिबार) राष्ट्रि जनस्वास्थ्य प्रयोगशालामा गरिएको परीक्षणको क्रममा दुई जनामा पुष्टि भएको हो ।

यसका साथै नेपालमा कोरोना सँक्रमितको सँख्या १०० नाघेको छ । बुधबार मात्र एकै परिवारको १७ जनामा कोरोना पुष्टि भएको थियो ।