जनकपुर सहित देशैभरि 'दीप प्रज्वलन'

न्यूज ब्यूरो, जनकपुरधाम । विश्वमा महामारी फैलिएपछि त्यस विरुद्ध लडने योद्धाहरुप्रति सम्मान प्रकट गर्न आज दीप प्रज्वलन गरिएको हो ।

प्रधानमन्त्री केपी शर्माओलीले बिहीबार २५६४ औँ बुद्धजयन्तीका अवसरमा समेत दीप प्रज्वलन गर्न आग्रह गरे बमोजिम जनकपुर सहित देशैभरि आज दीप प्रज्वलन गरिएको हो ।

उनले २५६४ औँ बुद्धजयन्तीका अवसरमा आज साँझ ७ बजे सबै नेपालीलाई दीप प्रज्वलन गर्न आग्रह गरेको थियो ।

प्रधानमन्त्री ओलीले कोरोना महामारीविरुद्धको लडाइँका अग्रभागमा खटिरहेका चिकित्सक, स्वास्थ्यकर्मी, सुरक्षाकर्मी तथा स्वयमसेवकप्रति उच्च सम्मानस्वरुप तथा सङ्क्रमितको शीघ्रस्वास्थ्य लाभ र मृत्युवरण गरेकाको शान्तिका लागि दीप प्रज्वलन गर्न आग्रह गरेका थिए ।