महोत्तरीमा क्वारेन्टाइनबाट ३ जना टाप

न्यूज ब्यूरो, महोत्तरी । महोत्तरीको एक क्वारेन्टाइनबाट ३ जना भागेका छन् ।

महोत्तरीको जलेश्वर नगरपालिका १ बखरीस्थित रामानन्द विशेश्वर महेन्द्र क्याम्पसमा रहेको क्वारेन्टाइनबाट ३ जना फरार भएका हुन् ।

क्वारेन्टाइनबाट भागेकाहरु भारतको सितामढी निवासी २१ वर्षिय,३० वर्षिय र ३९ वर्षिय पुरुषहरु रहेको शर्माले बताए । २४ औं घण्टा दुईजना सुरक्षाकर्मी र नगर प्रहरीको निगरानीमा रहँदै आएको सो क्वारेन्टाइनबाट सबैलाई छलेर उनीहरू भागेको छ ।

स्वास्थ्यकर्मी र सुरक्षाकर्मी समेतले निगरानी गरिरहे पनि उनीहरु भागेपछि प्रहरी प्रशासनको कार्यशैली माथि प्रश्नचिन्ह खडा भएको छ । त्यस क्वारेन्टाइनबाट तिन जना फरार भएपछि बाँकी १८ जनामाथि कडा निगरानी गरिएको छ ।

उनीहरू तिनैजना लगायत मंगलबारसम्म त्यहाँ २१ जना थिए । फरार भएकाहरुको खोजी कार्य जारी रहेको जिल्ला प्रहरी कार्यालय महोत्तरीका प्रहरी उपरिक्षक श्यामकृष्ण अधिकारीले जानकारी दिए ।