शहिदनगरमा 'मिथिला वाईल्ड लाईफ ट्रस्ट' को राहत

न्यूज ब्यूरो, जनकपुरधाम । धनुषाको शहिदनगर नगरपालिकामा मिथिला वाइल्ड लाईफ ट्रस्टले राहत वितरण गरेको छ ।

कमला बचाउ अभियानका सँयोजक विक्रम यादव सहित अभियानीहरुको पहल तथा नगर प्रमुख उदय कुमार बरबरियाको नेतृत्वमा १५ परिवारलाई राहत प्रदान गरिएको हो ।

शहिदनगर नगरपालिका वडा नं. ८ विसरभोरा स्थित रहेको दास समुदायको १० घरपरिवार तथा डुमरिया टोलको ५ घर परिवारलाई ट्रस्टले राहत प्रदान गरेको हो ।

लकडाउनका कारण प्रभावित भएका अति विपन्न तथा निमुखाहरुलाई मात्र सो राहत प्रदान गरिएको मिथिला वाईल्ड लाईफ ट्रस्टका अध्यक्ष देव नारायण मण्डलले जानकारी दिए ।

मण्डलका अनुसार, कमला बचाउ अभियानी विक्रम यादव एवम् नगर प्रमुख उदय कुमार बरबरियाको अनुमगन नीरिक्षणपछि अति आवश्यक हुने परिवारलाई मात्र राहत प्रदान गरिएको हो ।

राहतमा एक परिवारलाई १५ किलो चामल, ३ किलो दाल, २ लिटर तेल, १ किलो सोयाबिन, २ पिस साबुन, अढाई किलो आलु, १ किलो नुन र १ किलो प्याज गरी राहत समाग्री वितरण गरिएको हो ।

वडा नं. ८ का वडाध्यक्ष तनुकलाल कुसैत यादव, स्थानीय समाजसेवी राजकिशोर सलहैता, रुपेस बिराजी , नरेस यादव ,आसुतोश यादव लगायतको रोहवरमामा राहत वितरण गरिएको हो ।

सो क्रममा मेयर बरबरियाले आफ्नो नगरमा आफ्ना नगरवासीको लागि राहतको लागि आउनेलाई सम्मान समेत गर्ने गरेको बताइएको छ ।

सोही क्रममा कमला नदी तटको बृक्षारोपन तथा पुर्वाधारका कामको अवलोकन समेत गरिएको थियो ।

राहत वितरणपछि नगर प्रमुख एवम् कमला बचाउ अभियानी समेत रहेका बरबरियाले ट्रस्टका अध्यक्ष मण्डललाई धन्यवाद ज्ञापन गरेका थिए ।