अनुगमन गरी मात्र वास्तविक गरिबलाई राहत

न्यूज ब्यूरो, जनकपुरधाम । राहतको नाममा मध्यमवर्गीय र धनी वर्गीयहरुले समेत आतंक मच्चाएपछि एक सँस्थाद्धारा अनुमगन गरी नहुनेलाई मात्र राहत दिने गरेको छ ।

मिथिला वाइल्ड लाईफ ट्रस्टका अध्यक्ष देव नारायण मण्डलले राहत वितरणको नयाँ तरिका अपनाएका छन् । उनले राहत पहिले अनुगमन गरी मात्र दिने गरेको छ ।

राहत वितरणको क्रममा हुने कोलाहल तथा जरुरतमन्द व्यक्तिभन्दा पनि हुनेखानेले समेत राहत लिन थालेपछि अनुगमन गरी मात्र राहत वितरण गर्न सुरु गरेका छन् ।

धनुषाधामको जँगल छेउमा बसोबास गर्ने अल्पसँख्यक, सीमान्तृकत, दलित समुदायमा पनि नहुनेलाई मात्र निरन्तर राहत वितरण गरेका छन् । आफै घुमेर अनुमगन गर्दै हुनेखाने नहुनेलाई मात्र राहत वितरण गरिएको हो ।

यसअघि करिब ५०० त्यस्ता परिवारलाई राहत वितरण गरिसकेका ट्रस्टका अध्यक्ष मण्डलले शनिबार सिरहाको गोलबजार नपाको निपनीया भन्ने टोलमा राहत वितरण गर्न पुगेका थिए ।

स्थानीय सक्रिय युवा युवतिहरुको साँझा सँस्था सिरहा युथ नेटवर्कका पदाधिकारी तथा सदस्यहरुको अनुमगन र ग्राउण्ड रिपोर्टको आधारमा १५ परिवारलाई राहत वितरण गरिएको हो ।

मिथिला वाइल्ड लाईफ ट्रस्टका अध्यक्ष मण्डलले सँचार सँस्था त्रिनेत्र न्यूज नेटवर्कद्धारा सँचालित न्यूज ब्यूरोको समन्वय तथा सिरहा युथ नेटवर्कको विशेष समन्वयमा जरुरतमन्दलाई मात्र राहत दिएको हो ।

नेटवर्कका सदस्यहरुले अल्पसँख्य, सीमान्तकृत, अति गरिबहरुको टोल टोलमा खोजी गर्दै तयार पारेको लिस्ट अनुसार १५ जनालाई राहत वितरण गरिएको हो ।

ती १५ जनामध्ये सबैको परिवारिक अवस्था अति दयनीय थियो । १ जनालाई सिरहाको प्रयागपुरमा समेत गरी १५ जनालाई राहत वितरण गरिएको हो ।

राहतमा १५ किलो चाामल, ३ किलो दाल, २ लिटर तेल, १ किलो सोयाबिन, १ किलो नुन, २ पिस साबुन, अढाई किलो आलु र १ किलो प्याज गरी पोकाको हिसाबले राहत वितरण गरिएको हो ।

चोरा चोरी युके नामक अन्तराष्ट्रिय सँस्थाको सहयोगमा सो राहत वितरण गरिदै आएको छ । धनुषामा ५०० परिवारलाई राहत वितरणपछि समाजिक सँजालमा सिरहा युथ नेटवर्ककी सोहनी शोभा साहले ती १४ जनाको वास्तविक अवस्थाबारे लेखेपछि न्यूज ब्यूरोले एक्सन लिएका थिए ।

ती परिवारहरुको अवस्थाको बारेमा ट्रस्टका अध्यक्ष मण्डललाई जानकारी गराएपछि आफैं राहत बोकेर सिरहाको गोलबजार पुगेर बाँडेका थिए । राहत भने घर घर पुगेरै दिएको थियो । केही जनालाई एक ठाउँमा समाजिक दुरी कायम गरी राहत दिइएको थियो ।

राहत वितरणमा त्रिनेत्र न्यूज नेटवर्क परिवार सहित, सिरहा युथ नेटवर्कका अन्य सक्रिय सदस्यहरुले विशेष समन्वय गरी सहयोग गरेका थिए ।

उनीहरु टोलहरुमा अनुगमन गरी राहतको आवश्यकता महसुस भएपछि नाम टिपोट गरी राहतको आवश्यकताबारे जानकारी गराउने गरेको छ । राहत वितरणपछि ट्रस्टका अध्यक्ष मण्डलले नेटवर्कका सदस्यहरुलाई प्रशंसा समेत गरेका थिए ।