जनकपुरमा नयाँ पीसीआर मेसिन ल्याइयो

न्यूज ब्यूरो, जनकपुरधाम । प्रदेश २ को प्रादेशिक प्रयोगशाला जनकपुरधाममा पुनः नयाँ पीसीआर मेसिन ल्याइएको छ ।

गलत नतिजा दिने पीसीआर मेसिनलाई थन्काइएपछि अर्काे मेसिन ल्याइएको हो । नयाँ मेसिन जडान गर्ने तयारी भइरहेको प्रयोगशालाले जनाएको छ ।

संघीय सरकारको स्वास्थ्य तथा जनसंख्या मन्त्रालयले यसअघिकै मोडेलको नयाँ मेसिन पठाएको प्रयोगशालाका प्रमुख रामविनय साहले जानकारी दिए । नयाँ मेसिनबाट पनि पहिलेको जस्तै दैनिक १० जनाको नमुना परीक्षण हुने साहले जानकारी दिए ।

ठूलो मेसिन पठाइदिएको भए परीक्षण गर्न सजिलो हुने भए पनि पुनः त्यही मोडेलको मेसिन पठाइएकाले परीक्षणले गति लिन नसक्ने उनले बताए ।