धनुषामा एक युवकको लास फेला

न्यूज ब्यूरो, धनुषा । धनुषामा एक युवकको बेवारिसे अवस्थामा शव भेटिएको छ ।

धनुषाको नगराइन नगरपालिका वडा नम्बर ७ स्थित देवडीहामा अन्दाजी ४० वर्षीय एक युवकको शव फेला परेको हो । देवडिहाको पुरनी पोखरीतर्फको जमिनमा मृत अवस्थामा शव देखेपछि स्थानीयले प्रहरीलाई खबर गरेका थिए ।

मृतकको पहिचान हुन नसकेको जिल्ला प्रहरी कार्यालयले जनाएको छ । मृतक साइकलमा आएको र घाम छल्न रुखमुनि छहारीमा बसेको जस्तो देखिएको छ ।

शव पोष्टमार्टमको लागि प्रादेशिक अस्पताल जनकपुर ल्याइएको छ । यसमाथि अनुसन्धान भइरहेको धनुषाका प्रहरी प्रवक्ता रामेश्वर कार्कीले बताए ।