धनुषाः योजना नीरिक्षणकै क्रममा वडाध्यक्षको मृत्यू !

न्यूज ब्यूरो, जनकपुरधाम । धनुषाको मिथिला नगरपालिकाको एक वडाध्यक्षको आज अचानक मृत्यू भएको छ ।

मिथिला नगरपालिका वडा नं. ७ का वडाध्यक्ष युवराज उप्रेतिको असमायिक मृत्यू भएको छ । मेयर उपमेयरसँगै विकास निर्माण कार्य नीरिक्षणमा गएका वडाध्यक्ष उप्रेति एकाएक ढलेपछि मृत्यू भएको जनाइएको छ ।

मिथिला नगरपालिकाकी उपमेयर तारा कुमारी बस्नेतका अनुसार कार्य अनुमगनको क्रममा कुरा गर्दा गर्दै उप्रेति ढलेका थिए । उनको करिब ५ बजेतर्फ नै मृत्यू भएको बस्नेतले बताइन् ।

मिथिला नगरपालिका वडा नं. ८ को पोखरिया स्थित सहरी विकास बोर्डबाट दिएको योजना अनुगमनको लागि डिइ आएको भन्दै अनुगमन जाँदा केही बेरपछि उनी ढलेका थिए ।

वडाध्यक्ष उप्रेतिले नगर प्रमुख हरि नारायण महतोलाई फोन गरी अनुमगनको लागि बोलाएका थिए । मेयर, उमेयर सहित अन्य पदाधिकारीहरु पनि अनुमगनको लागि एक साथ गएका थिए ।

पोखरीया स्थित रहेको विभिन्न पिकनिक स्पोटको निर्माण तथा अधुरो कार्यहरुको बारेमा चर्चा गर्दै केही पर तल आएर खानेपानीको टँकी स्थित ओर्लेर थप कुराकानी गर्ने बेलामा जमिनमा ढलेका थिए वडाध्यक्ष उप्रेति ।

भूंमा लडेपछि अनुमगनमा गएका सबै जना दगुर्दै आएर उनलाई प्रादेशिक अस्पताल जनकपुर ल्याउँदै गर्दा बाटोमै मृत्यू भइसको थियो । उपमेयर बस्नेतका अनुसार, उनलाई त्यतिबेला साँस लिन असाध्यै गाह्रो भएको जस्तो देखिएको थियो ।

उनीहरुले वडाध्यक्ष उप्रेतिलाई घामका कारण त्यस्तो भएको हुन सक्ने भन्दै पानी समेत छर्केका थिए । केही उपलब्धी नभएपछि उनलाई तत्कालै उपचारको लागि जनकपुर ल्याउँदै गर्दा बाटोमै मृत्यू भएको जनाइएको छ ।